CHAPTER 38: Daddy

JANINA MARIE

"May ahas! May ahas!" sigaw ko habang tumatakbo sa pasilyo. Gusto ko kasing asarin si Xavier dahil sa nakita ko. Ang masungit na CEO ng Montefona ay tiyak uusok ang ilong dahil sa aking kapilyahan. Ngayon na alam ko na ang totoo kahit paano ay magaan na ang loob ko kaya nagagawa ko nang magbiro.

Tawang-tawa ako sa aking kalokohan pero hindi ko inaasahan nang umakyat sa second floor ang chef at may dala siyang matalas na itak.

"Ma'am, nasaan po ang ahas?" nagmamadaling tanong ng chef sa akin.

"Ah… wala. Uhm…" utal-utal kong sabi. Uminit ang aking pisngi dahil sa pagkapahiya.

"Ma'am, malaki po ba?" tanong ni Gemma.

"Maliit lang. O-o-oo, maliit lang. Ay, hindi! Malaki! Sobrang laki. Lumabas na siya sa bintana ng silid na iyon," natataranta kong sagot. Itinuro ko ang aking silid.

"Naku, naman. Kagagaling lang ni ma'am sa trauma na likha ng sunog tapos ito na naman," nag-aalala na sabi ni Gemma. "Palagyan n'yo po kaya ng screen ng bintana sa silid na iyan. May mga halam