CHAPTER 52: The Result

JANINA MARIE

Matagal bago ako nakapagsalita. Daig ko pa ang ipinako sa couch na nasa living room ng bahay namin. Si Xavier ay umiiyak habang mahigpit akong yakap. Although ramdam ko nang siya nga ang ama ni Jude at umasa ako roon pero iba pa rin pala kapag nasa harapan na ang katotohanan. Ninety-nine point nine percent ang probability of fraternity nina Jude at Xavier habang zero naman ang kina Jude at Jake.

“They will pay for this. Kakasuhan ko sila,” matapang na sabi ni Xavier.

Nararamdaman ko ang galit niya. All along ay naniniwala kami pareho sa isang kasinungalingan at pati anak namin ay muntik pang malason ni Jake ang isip. Mabuti na lang talaga at naging matapang si Tommy kahit na alam niyang posibleng hindi ko siya paniwalaan.

Wala na ang tagalaboratoryo pero nanatili pa rin kami ni Xavier sa living room. Panay ang tawag niya sa mga hindi ko kilalang tao at puro imbestigahan ang narinig ko sa kaniyang mga salita.

“Iyong bracelet mo…” turan ni Xavier after niyang ibaba ang te