MS10: Recovered

"THANK YOU, Mr Dyson for allowing us to investigate inside your company. Thank you for helping us."

"You shouldn't thank me but the girl laying here. She's the one who convinced me, not to mention her loud voice."

Hindi ko man nagawang imulat pa ang mga mata sa sobrang liwanag sa nasa harapan ay nagagawa ko namang pakinggang ang mga tunog sa paligid. Kahit noong una'y malabo ito, nalaman kong si Chief at si Sir Luke ito.

Unti-unti kong tinakpan ang mga mata bago bumangon. Nakasisilaw kasi ang ilaw at kailangan kong bumangon para hindi tuluyang mabulag.

"Hey! Hindi ka pa gaanong malakas!" agad akong natigilan nang bigla akong alalayan nang kung sino sa aking likod at inalalayan upang makasandal ng ayos sa head ng kama.

Nang maramdamang tumahimik na ang buong paligid, saka ko lamang iminulat ang mga mata at laking gulat nang makita ang presensya ng girlfriend ni Nathan ang nasa harapan ko. Nginitian niya ako ng marahan at kinawayan pa.