MS13: Safe Here

SANDALI PANG nagtagal ang aming titigan ni sir bago ko naisipang bumitaw at padarag siyang itinulak muli. Patakbo kong kinuha ang aking baril at mula sa basag na glass wall ay pinaputukan ko ang tatlong taong tumatakbo palayo.

Dinukot ko ang aking cellphone at tinawagan ni Nathan. Gusto kong humingi ng backup para sa nangyari dahil naiipit na si Sir Luke sa gulo. Nang makailang ring at hindi niya pini-pickup, lumingon ako sa gawi ni Sir Luke na tumatawag na rin kung kanino.

Lapit ako sa kaniya at tinapik ang kaniyang likod. Lubos akong nag-aalala para sa kaniyang kalagayan at kaligtasan. Kailangan niyang magpahinga. Kailangan niyang umuwi.

[On the way na kami sa Dyson Financial, tinawagan ni CEO si Chief, eh. Ayos lang ba kayo?] tanong ng kausap sa kabilang linya at kahit alam kong hindi naman niya kita, tumango ako.

"Umuwi na po tayo, sir," matigas kong utos sa kanya at halos gumaralgal na ang boses dahil sa biglaang nangyari. Tanging pagtanggi ang nagawa ng kausap at kinuha na ang k