Chapter 49: Deal

Minabuti ko nang bumalik ng Academy. Isang linggo na rin ang nakakalipas, hindi ako pwedeng magmukmok lang dahil sarili ko rin namang katangahan kung bakit ito nangyayari.

Habang naglalakad ay hindi maiwasang pag-usapan ako kaya naman napailing ako.

“Bumalik na siya.”

“Kawawa naman si Thunder, mukhang nasaktan talaga siya sa nangyari sa girlfriend niya.”

“Mabuti nga ‘yon eh, masyado kasing attention seeker ang babaeng ‘yon.”

Nagpintig ang tainga ko dahil sa narinig. Mabilis kong nilapitan ang babaeng nagsabi noon at saka ito hinawakan sa leeg, halatang nabigla siya sa ginawa kong iyon. Ganoon din ang mga kasamahan niyang hindi man lang ako pinigilan.

“Gusto mo bang baliin ko ang leeg mo?!” Sigaw ko ngunit may bigla na lang humila sa akin palayo, mabilis namang tumakbo ang mga walangyang babae na iyon at naitulak ko na lang ang humila sa akin.

“Thunder ano ka ba?!” Sigaw ni Liam.

“May laban tayo sa ground zero mamaya. Maghanda kayo.” Wa