Chapter 37

“Penny… Penny… wake up,” gising ni Timothy sa asawa.

Bahagya naman itong nagmulat ng mga mata.

“You have to eat para mabilis kang gumaling,” aniya at maingat na inilalayan ito sa pag-upo.

“What time is it?” namamaos ang tinig na tanong nito.

“It’s past six already. You’ve been sleeping for six hours long kaya hindi na ako nagdalawang-isip na gisingin ka. Kailangan na rin kasing malamnan ang tiyan mo.”

Marahan naman itong tumango.

“Good,” aniya at inayos muna ang ilang hibla ng buhok nito na tumatabing sa pisngi nito. Pagkuwa’y tahimik na niyang sinubuan ng lugaw ang asawa.

Ngunit nakakaapat na subo pa lang ito ay agad na itong umayaw.

“Just one more spoonful, okay? After that you’ll drink your medicine and you can go back to sleep.” Pangungumbinsi niya rito.

Masunurin naman itong tumango at muli ay nagpasubo sa kanya.

“Here’s your medicine,” aniya sabay abot ng gamot nito.

Mabilis naman nitong ininom iyon kasunod ng tubig.

“Now go back to sleep.” Masuyong utos niya rito.