Chapter 13

"NATANGGAP ka pero parang hindi ka masaya." nakataas ang kilay ng kaibigan. Inilalagay nito sa box ang mga cupcakes na ipapa-deliver sa suki nitong costumer.

Napabuntong-hininga si Charline at dumampot ng cupcake. "Masarap." komento niya matapos kumagat.

"Hindi ka man lang ba magku-kwento?"

"Nagkita kami ni Xander."

Natigilan ang kaibigan.

"Magiging Boss ko siya." matamlay niyang pagpapatuloy.

"Wow! Ang liit ng mundo ha!" tila eksayted pa ito na napangiti.

"Anong gagawin ko?" nag-aalalang sinulyapan niya ang anak na nanonood ng paborito nitong cartoons.

"Baka ito na ang tamang panahon Cha. Hindi mo rin naman habang buhay na maitatago ang totoo."

"Hindi pwede! Ayokong malaman niya ang tungkol kay Aj." umiling-iling siya. Hindi niya alam kung ano ang pwede nitong gawin kapag nalaman nitong may anak sila? Napakarami niyang baka... Isa pa ayaw niyang magkaroon pa ng kaugnayan sa buhay nila si Xander.

"So, anong gagawin mo?"

"Kailangan ko na