CHAPTER 12

HINDI ko maintindihan kung bakit nakaramdam ako ng kaunting selos ng banggitin ni Anthon ang pangalang Chesca. Pakiramdam ko ay may namamagitan sa kanilang dalawa. Ang hindi ko lang naunawaan ay kung bakit pakiramdam ko ay may iba sa ikinikilos ni Henry, ayaw kong bigyan iyon ng kahulugan pero iyon ang nararamdaman ko. Ayaw kong mag-isip ng kung ano-ano pero nagkukusa.

Ayaw kong isipin niya na apektado ako. Hangga’t maaari ay gusto kong isipin niya na wala akong pakialam. Ayaw kong masaktan, ayaw kong dumating sa punto na hilingin kong sana totoo lahat ang mga ito. Si Anthon ay agad na nagpaalam nang dumating yong order namin, inimbitahan pa namin siya ngunit agad din itong tumanggi.

"I told you.” Nakangisi niyang sagot bago ako kinindatan. Sa maikling panahon na nakilala ko si Henry ay alam kong napakabait nito. Nang mamatay si Andy ay siya ang nandyan para samahan ako. Siya ang tumulong sakin sa lahat at laking pasasalamat ko sakanya dahil kahit nagpakasal lang kami sa magkaibang ra