Kabanata 17

Kabanata 17

Kanina pa siya kinakabahan habang binabagtas ang daan papunta sa Cebu. Titig na titig siya sa address kung saan ang bahay ng kan’yang tiyahin. Hindi niya alam kung dapat ba talaga siyang pumunta roon dahil ayaw niya pa ring makita si Sunshine kasama ang ex-boyfriend niyang si Russo. Hanggang ngayon ay may kirot pa rin sa puso niya dahil sa masaklap na nangyari sa kan’ya noon.

Huminga siya ng malalim nang makita niyang malamit na siya sa bahay ng kan’yang Tiya Lolita. Narito na siya kaya wala ng atrasan pa.

Nagulantang ang kan’yang diwa nang makita ang malaking bahay sa harap niya. Mansion na nga ito kung tutuusin, alam niyang mayaman ang kanong napangasawa ng kan’yang tiya pero hindi kagaya ng naiisip niya. Sobra-sobra pa lang mayaman ito. Napaka-swerte ng kan’yang tiyahin, pero mas maswerte ang kanong napangasawa ni Tiya Lolita dahil maalaga at mapagmahal iyang tiya niya.

“Magandang umaga ho, sino ho sila?” tanong ng isang guard na nasa harapan ng gate ng mansion.