Kabanata 16

Kabanata 16

“Alam mo bang tanong ng tanong si Kian kung sino raw ang Tatay niya sa akin? Kulit ng kulit kung nasaan ang ama niya, hindi ko naman masagot dahil ayaw kitang pangunahan,” sabi ni Hilda na ngayon ay nakapamewang sa harap ni Keanna.

Kakauwi lang nila galing sa pamamasyal, ngayon ay natutulog na si Kian bagay na ikinahinga niya ng maluwag.

“A-Alam ko…”

“Hay nako, Keanna, hindi ko alam kung ano ang plano mo, ngayong panay tanong na ni Kian sa atin kung nasaan ang ama niya, ano ang sasabihin natin sa kan’ya?” nammroblemang saad ni Hilda habang pabalik-balik na lumalakad sa harap niya. Hilong-hilo siya dahil doon kaya mabilis niyang hinawakan ang kaibigan.

“Teka nga lang, nahihilo na ako sa kapabalik-balik mo, maupo ka nga muna,” sabi niya saka hinila si Hilda sa tabi niya.

“Ikaw naman kasi, ako ang nai-stress sa’yo, nagkita ang mag-ama at wala ka man lang reaksyon? Kanina ka pa tahimik!”

Umikot ang kan’yang mga mata dahil sa sinabi ng babae.

“Hindi naman makakatulo