Kabanata 2

Kinagabihan, dahil nasa 'work' si Heriane ay mag-isa kong pinuntahan ang club na pinagtatrabahuhan niya. Nag-jeep at naglakad na lang ako para hindi na ako makita pa ng kung sino at mahusgahan.

Mula sa pwesto ko ay kitang kita ko na ang club kung saan ay may maraming ilaw at tugtugan. Agad kong pinuntahan 'yon at dumiretso papasok sa loob.

Naiingayan ako dahil na rin sa sigawan ng mga tao sa loob, pero dahil mas kailangan kong matanggap dito ay pinuntahan ko ang isang empleyado rito.

"S-Saan po pwedeng mag-apply ng work?" tanong ko. Sandali naman akong tinignan ng babae mula ulo hanggang paa.

"Doon sa room na 'yon, nandoon si manager," sagot nito. Ngumiti at nagpasalamat ako sa kaniya bago ako nagtungo sa room na sinabi niya.

Tatlong beses akong kumatok bago ko pihitin ang busol ng pinto. Sa pagsilip ko, nakatingin na sa gawi ko ang lalaking nakaupo sa may malambot na upuan habang naninigarilyo.

"Yes?" tanong niya.

"U-Uhmm... m-maga-apply po sana rito. Pwede po ba?" tanong ko naman. Imbis na nagsalita ay sumenyas ang lalaking manager na pumasok ako sa loob.

Matapos kong isara ang pinto ay medyo nailang ako dahil nakita ko ang manager na nakatitig sa katawan ko.

"Anong ina-apply mo?" tanong niya.

"U-Uhmm... kung ano po sana ang meron."

"Hmm... umikot ka nga nang dahan-dahan," utos sa 'kin ng manager, kaya kahit nagtataka ay ginawa ko na lang ito.

Umikot ako nang dahan-dahan hanggang sa mabalik ako sa pagkakaharap sa kaniya. Tumatango-tango na siya na mukhang nai-impress sa 'kin.

"Maganda ang pangangatawan mo. Pwede kang maging entertainer," papuri nito sa 'kin.

"T-Talaga po?" natutuwa kong tanong, pero napaisip din ako. "Ano po ang ginagawa ng entertainer? N-Nagpapaligaya po ba ng mga l-lalaki?" curious kong tanong.

Natawa ang manager. "Hindi. Entertainer ka, ibig sabihin ay sasayawan mo ang lalaki na nasa VIP room natin. Kung kaya mong dumoble kayod, pwede mo rin'g gawin 'yang sinasabi mo."

Tumango ako nang dahan-dahan. Dancer pala.

Like yung nakita ko kaninang babae na may pa-costume pang suot, 'yon yata ang dancer.

"I-Ibig po bang sabihin, tanggap na po ako?" tanong ko.

"Well, yes, tanggap ka na, pero bukas pa ng gabi ang start mo. Hindi ka maaasikaso ngayon dahil sa dami ng customers," sabi ng manager. Napangiti ako nang malapad at walang ano-anong lumapit sa kaniya.

"Thank you po, sir! Thank you po!" sambit ko habang kinakamayan siya.

"Walang anuman. Bumalik ka na lang bukas ng 7:00 pm para makapagbihis ka pa at maturuan. Sige na," sabi pa nito. Muli akong nagpasalamat sa kaniya bago ako umalis.

NAGLALAKAD kami ni Heriane papunta sa canteen para kumain ng lunch. Nasabi ko sa kaniya na natanggap na ako sa club na pinapasukan niya.

"Talaga? Congratulations, Senra," pagbati niya sa 'kin. "Pero payo ko lang, ha? Hindi ito kagaya ng mga ordinaryong trabaho. Mahalaga ang bawat customer kaya dapat mong ibigay ang best mo," payo pa niya.

"Oo, alam ko naman, pero hindi ko lang maiwasan na kabahan dahil first time ko. Hindi ko nga sinasabi kina Mama at Papa na may work na ako, e," sagot ko.

"Naku! H'wag mo ng sabihin, lalo na sa Papa mo. Sigurado ako na hihingi lang 'yon ng pera sa 'yo. Kapag kumita-kita ka na nang maganda, magbukod na kayo ng Mama mo."

"Sana nga, kumita nang malaki. Baka kapag nakahawak na ako ng limpak-limpak na pera, hindi na ako makapag-aral," sabi ko.

"H'wag naman! Ang sabihin mo, gamitin mo 'yang opportunity na 'yan para makapagtapos ka na at makaalis din sa gano'ng trabaho," sabi naman niya.

Sa pagpasok namin sa canteen ay agad kaming um-order ng pagkain. Matapos nito ay saka na kami naghanap ng pwesto.

Sa pag-upo namin, napansin kong may kinukuha siya sa loob ng bag niya at inaabot 'yon sa 'kin.

"Ano 'to?" nagtatakang tanong ko nang kunin ko ang isang invitation.

"Invitation card 'yan para bukas ng gabi. May party ang mga mayayaman sa isang resort. Binigay ko na 'yan sa 'yo at baka mawala ko pa. Sinama na kita sa mga bibigyan," sabi niya.

"H-Ha? E may trabaho tayo ng gabi, 'di ba? At tsaka isa pa, wala naman akong maisusuot sa gano'ng—"

"Ay, h'wag mo ng problemahin 'yang mga 'yan. May sahod ka pa rin bukas ng gabi dahil 'yon ang sinabi ng may-ari. Tsaka sa damit? Ako na ang bahala sa 'yo. H'wag kang mag-alala," agad niyang sagot.

"U-Uhmm... sige," tanging sabi ko.

Kakaumpisa ko pa lang ng work, may paimbitasyon na kaagad ako sa party ng mga mayayaman.