Chapter Six

Sa Top of the Alpha, isang sikat na disco bar sa Makati, nagpunta sina Cassandra at Aries. Mayroong full bar at iba't ibang uri ng alak.

Naupo sila sa isang sulok, malayo sa maraming tao. Gusto ni Aries na makasama lang si Cassandra. Matagal na rin silang hindi nagkikita simula pagkabata.

Nag-order si Aries ng dalawang tequila at side dish. Naka-ilang tequila pa sila hanggang sa medyo marami na ang nainom nila. Mabuti na lang at hindi gaanong nakikisabay si Cassandra sa pag-inom ni Aries; kung hindi, pareho silang mapapahamak.

“Sa tingin ko, uwi na tayo, Aries. Parang marami ka nang nainom,” sabi ni Cassandra. Ngumisi lang si Aries at tinungga ang huling baso ng tequila.

“Huwag kang mag-alala. Kaya kitang ihatid pauwi nang ligtas,” nakangiting sabi ni Aries at nilagyan ng alak ang baso niya.

“Cheers?” Itinaas ni Aries ang baso niya, gayundin si Cassandra. Pinagdikit nila ang mga baso at sabay na uminom ng tequila.

Nakaramdam si Cassandra ng pagkahilo; parang lumulutang siya sa tuwing naglalakad. Napahawak siya sa braso ni Aries nang mawalan siya ng balanse. Nasalo siya nito at inalalayan na umupo.

“Okay ka lang?” tanong ni Aries.

Tumango lang si Cassandra. Kusang pumipikit ang mga mata niya dahil sa antok.

“Uwi na tayo? Gusto ko nang matulog,” sabi niya.

“Sige.”

Inalalayan siya ni Aries hanggang sa parking lot. Isinakay siya nito sa kotse at isinuot ang seatbelt bago pinaandar ang sasakyan. Hinawakan ni Aries ang mga kamay ni Cassandra at pinisil-pisil ito; hinalikan din niya ang kamay ni Cassandra. Gusto sanang pumalag ni Cassandra, pero dahil sa kalasingan, wala siyang lakas para gawin iyon.

PANAY ang sulyap ni Christopher sa malaking orasan na nakasabit sa dingding ng mansyon. Pasado ala-una na, ngunit hindi pa rin umuwi si Cassandra. Hawak-hawak niya ang bracelet na ibinigay niya kay Cassandra bilang proteksyon, ngunit iniwan niya ito sa kanyang kama. Sa mga oras na ito, wala siyang ideya kung nasaan si Cassandra at kung ligtas ba siya sa lalaking kasama niya.

Napadungaw siya sa labas at natanaw ang sasakyan ni Aries. Naupo siya sa sofa at naghintay na makapasok si Cassandra; ayaw niyang isipin nito na may masamang nangyayari.

Inalalayan ni Aries si Cassandra na makababa ng kotse. Nang makababa na ito, pinigilan niya si Cassandra na makapasok sa loob ng mansyon at pwersang ikinulong siya nito sa kanyang mga bisig, labis na ikinagulat ni Cassandra.

"Aries, what are you doing?" gulat na tanong niya kay Aries.

"I want you, Cassandra," sagot nito na may paos na boses at halong pagnanasa.

Hinawakan ni Aries ang dalawang kamay ni Cassandra at pilit na inangkin ang mga labi nito. Pilit na iniwas ni Cassandra ang kanyang labi, alam niyang wala na sa katinuan ang pag-iisip ni Aries dahil sa kalasingan.

"Aries, please! Tumigil ka na!" pasigaw niyang sabi.

Isang malakas na suntok ang pinakawalan ni Christopher, tumama ito sa mukha ni Aries. Hindi agad nakabawi si Aries at napabuwal sa kanyang kinatatayuan. Pinahid nito ang dugo sa kanyang labi, at ilang sandali ay tumayo ito upang makaganti ng suntok kay Christopher.

Mabilis na nakailag si Christopher, at sa bawat suntok na ibinabaon niya, hangin lamang ang kanyang nahahawakan—parang pinaglalaruan lamang siya ni Aries.

"Damn you! Lumapit ka dito, kung hindi ay pasasabugin ko ang mukha mo!"

Hinawakan ni Christopher si Aries sa dalawang balikat, inangat ito, at ibinagsak sa lupa.

"Umalis ka na, bago ko pa kalibitin ang baril ko."

Itinutok niya ang baril kay Aries at binitiwan ang gatilyo. Mabilis na tumayo si Aries at pinaharorot ang sasakyan papalayo sa mansyon.