Chapter 54

Maaga akong nagising kinabukasan. Tulog na tulog pa si Leon sa couch sa mga oras na iyon. Humugot ako ng malalim na hininga at pinagmasdang maiigi ang kaniyang hitsura kapag tulog. Talagang may mga taong biniyayaan ng labis na kaguwapuhan. Kahit anong posisyon yata nito sa pagtulog, mananatili pa rin siyang guwapo.

Halos sampung minuto akong nakatitig sa kaniya. Kundi pa nag-vibrate ang phone ko ay hindi pa ako matatauhan. Alas singko palang ng umaga ng maka-receive ako ng text galing sa kapatid ko.

From Chase: Enjoy your vacation, Ate. We will miss you. Pasalubong pag-uwi.

Napangiti naman ako habang nagtitipa ako ng reply sa kapatid ko. Pagkatapos ay iniwan ko na ang phone ko sa kama para mag-asikaso ng damit na susuotin ko pagkatapos kong maligo.

“Kanina ka pa gising?” tanong ko nang makita si Leon na nakamasid sa labas ng bintana ng kuwartong tinutuluyan namin.

Bumaling siya sa akin at