Chapter 55

Pagkatapos naming kumain ng agahan at magligpit ng aming pinagkainan ay lumabas ako ng rest house. Sa hindi kalayuan ay may natanaw ako na mga turista na naliligo malapit sa pampang. May kasama ang mga ito na bata. Ang hula ko ay isang pamilya ito na nagbabakasyon.

“Gusto mo bang maligo?” tanong sa akin ng kararating lang na si Leon.

Bumaling ako sa kaniya at umiling.

“Baka nakakalimutan mo, hindi ako marunong lumangoy.”

Kagaya ko ay nakatingin din siya sa dagat.

“Hindi ko ‘yon nakakalimutan, ako kaya ang sumagip sa’yo noon.”

Napangiti ako nang maalala ang nangyari no’ng araw na iyon. Siya ang sumagip sa akin sa pagkakalunod. Hanggang ngayon sinasagip niya pa rin ako.

Inabot ko ang kaniyang kamay at hinawakan ito nang mahigpit. May mga pagkakataong iniisip ko, paano kung si Leon ang minahal ko at hindi si Troy, masasaktan din kaya ako nang ganito? Gusto kong matutunan