Kabanata 3.1

Nang bumukas ang pintuan ng kwarto ni Czarina ay hindi napalingon siya dun. Mabilis niya rin namang iniwas ang paningin niya ng makita niya si Austin. Kinuha ni Austin ang isang upuan saka siya naupo sa harap ni Czarina. Tahimik lang naman si Czarina dahil wala na siyang gustong sabihin kay Austin. Ayaw niyang umiyak sa harap ng lalaking nilokoko lang naman siya, ayaw niyang maging mahina sa paningin ni Austin.

“Kinuha ko na kay Tita Natalia ang  cell phone mo.” Ani nito saka niya dinukot sa bulsa niya ang isang cellphone at ibinigay kay Czarina.

“Sa tingin mo ba pasasalamatan kita sa ginawa mo?” masungit na sagot ni Czarina. Napabuntong hininga na lang si Austin dahil paano niya ba ipapaliwanag ang lahat kay Czarina? Sigurado siyang alam na ni Czarina ang tungkol sa lihim na relasyon nila ni Natalie.

“Gusto kong mag-usap tayo somewhere, hihintayin kita sa sala and don’t worry nakausap ko na si Tita Natalia na lalabas tayong dalawa and she agreed.” Wika ni Austin saka siya tumayo at lumabas na ng kwarto. Nagbihis naman kaagad si Czarina dahil kahit naiinis pa rin siya kay Austin gusto niya nang makalabas ng kwarto niya dahil kagabi pa siya nakakulong. Hinahatiran na lang siya ng pagkain kapag oras na ng pagkain. Sumunod siya kaagad sa sala kaya nang nakita siya ni Austin ay tumayo na ito saka sila sabay na lumabas.

Tahimik lang si Czarina habang nasa byahe pero nag-iisip na siya kaagad ng paraan kung paano siya makakatakas kay Austin. Ayaw niya munang bumalik sa bahay nila dahil sigurado siyang kapag nakauwi siya ay ikukulong na naman siya ng stepmom niya. Lakas loob siyang nagmessage kay Tyrone kahit na alam niyang imposible na pupuntahan siya nito o tutulungan para makatakas. Nang maisend niya ang message ay mahigpit niyang hinawakan ang cell phone niya. Hindi niya alam kung saan siya dadalhin ni Austin pero nakashare na ang location niya kay Tyrone kung sakali mang pumunta ito.

Huminto silang dalawa sa isang restaurant. Nauna nang bumaba si Austin saka niya pinagbuksan ng pintuan si Czarina.

“Sinabi sa akin na hindi ka raw kumain kaninang lunch kaya kumain muna tayo bago tayo mag-usap. I know your mad at me and let’s talk about that later,” akma pa sanang hahalikan ni Austin sa noo si Czarina nang mabilis na umiwas si Czarina. Napapakamot na lang sa batok si Austin saka siya naunang naglakad papasok ng restaurant. Tingin nang tingin si Czarina sa cellphone niya pero wala man lang reply sa kaniya si Tyrone. Gusto niya sanang pumunta sa bahay ng kaibigan niya pero sigurado siyang mabilis siyang matutunton ng stepmom niya dahil si Hailey lang naman ang palagi niyang takbuhan.

Hindi na mapakali si Czarina, nilalaro niya na ang mga daliri niya dahil sa kaba na nararamdaman niya. Busy sa pagpili ng menu si Austin at gusto niya nang tumakas, gusto niyang tumakbo palayo pero hindi niya alam kung saan siya pupunta. Wala rin siyang dalang wallet dahil cellphone lang ang dala niya. Halos marinig na ni Czarina ang kabog ng dibdib niya dahil kahit makatakas man siya ngayon siguradong ikukulong na naman siya ng stepmom niya kapag nahuli siya.

Mariing ipinikit ni Czarina ang mga mata niya at akma na sana siyang tatayo nang may humawak sa mga kamay niya kaya nilingon niya kung sino ang taong iyun. Napalunok siya at nakaramdam ng tuwa nang makita niya si Tyrone. Sapilitan na itinayo ni Tyrone si Czarina at akma na sanang aalis nang harangin siya ni Austin.

“What are you doing? Saan mo siya dadalhin?” akma sanang hahawakan ni Austin si Czarina nang mabilis siyang itinago ni Tyrone sa likod niya.

“Umalis ka sa daraanan ko, Mr. Gomez. Wala akong dapat ipaliwanag sayo.” Blangkong sagot ni Tyrone saka niya hinila palabas ng restaurant si Czarina.

“Sir, excuse me po!” sigaw ng isang babaeng staff kay Austin. Palabas na rin sana si Austin nang maharang siya ng security ng restaurant.

“Pasensya na po sir pero tinatawag po kayo ng staff namin.” Ani ng guard, inis namang nilingon ni Austin ang babae.

“What?” tanong niya rito.

“Mukha kasing aalis na kayo, hindi pa po bayad ang mga pagkain na inorder niyo.” Wika nito, mabilis namang dumukot ng cash si Austin at ibinigay sa babae.

“Sir, sukli niyo!” sigaw pa ng babae nang biglang umalis si Austin pero hindi na siya nilingon ni Austin. Sinubukan niyang habulin ang sasakyan kung saan nakasakay si Czarina pero wala na siyang nagawa. Inis siyang napapadyak dahil sa inis.

“Anong relasyon nilang dalawa? Kilala ba ni Czarina si Mr. Fuentes?” naguguluhan niyang tanong sa sarili niya. Kilala niya ang lalaking kumuha kay Czarina dahil siya ang lalaking pakakasalan ni Natalie. Bakit hindi nagdalawang isip si Czarina na sumama sa lalaki na yun? Anong lihim ang itinatago nila.

Nakatakas na si Czarina pero nanginginig pa rin ang mga kamay niya. Napapatingin naman si Tyrone sa kaniya at nang masiguro ni Tyrone na hindi sila nasundan, inihinto niya na muna ang sasakyan sa gilid at tiningnan ang mga kamay ni Czarina na nanginginig pa rin. Napapaisip tuloy siya kung anong karahasan ang nangyari kay Czarina.

“Masyado kang takot na takot, are you okay? Sinaktan ka ba ng lalaking yun?” kuryoso niyang tanong. Napayuko naman si Czarina saka niya sinusubukang pakalmahin ang sarili niya. Hindi mapigilan ni Tyrone na hindi maawa kahit na hindi niya naman lubusang kilala si Czarina. “I am asking you, Miss Jimenez, is he hurting you? Kung sinasakyan ka na niya pala bakit hindi ka magfile ng abuse sa kaniya?” naiinis na saad ni Tyrone dahil hindi man lang magsalita si Czarina.

“He’s not hurting me,”

“Then what? Kung hindi ka niya sinasaktan, bakit ganiyan ka manginig? Para kang takot na takot. Ano ba talagang nangyayari sayo?” may diin niyang tanong. Hindi niya ugaling mangialam sa buhay ng iba pero hindi niya rin maintindihan kung bakit niya tinutulungan si Czarina. “Tell me, so, I can help you!” nauubusang pasensyang saad ni Tyrone. Nang kumalma na si Czarina ay saka niya nilingon si Tyrone.

“Pwede bang itago mo muna ako?” pakiusap niya.

“Tell me first, why are you so scared at bakit kailangan mong pagtaguan ang pamilya mo?” napabuntong hininga naman na muna si Czarina.