Chapter 34 Ang Utak ni Janiz

BIGLANG napatayo si Yvette nang bumalibag ang pinto pabukas. Kung si Liam ang nakita niya, malamang nakaramdam siya ng takot dahil tila galit na galit ito ngunit hindi ang asawa niya ang kanyang nakita kundi ang babaeng iyon –si Janiz.

Nakuyom niya ang kanyang kamao. Hindi niya kasi naiwasan ang makaramdam ng panggigigil. Kung umasta ito ay para bang ito ang may-ari ng WilMar Mall. Feeling legal wife.

"Peke ang kasal ninyo ni Liam, hindi ba?" Mataray nitong tanong sa kanya. Ang talim-talim ng tingin kaya muli na naman itong nagtanong, maririin ang bawat bigkas ng mga kataga. "Kasal ba talaga kayo?"

Ngumisi muna siya bago ito sinagot. "No."

"Sabi ko na nga," anitong biglang nasiyahan.

Napahagikgik siya. Sadya kasi niyang sinabi ang katagang 'no' para lituhin si Janiz.

"Ang Ibig kong sabihin, hindi peke ang kasal namin. Kung duda ka, i-check mo sa NSO."

Matagal itong hindi kumibo. Nanatili lang nakatingin sa kanya ng buong talim. Pakiwari niya tuloy ay iniisip na nitong saktan siya k