Chapter 33 Ang Pagsulpot ng mga Kontrabida

PARANG ibig magtawa ni Yvette dahil damang-dama niya ang pagbabago ng trato sa kanya ng mga empleyado ng WilMar Mall. Dahil nga sa nalaman na ng lahat na asawa siya ni William Arguelles III biglang bumait ang lahat sa kanya.

Good morning, Madam. Be happy always. Ito ang kalimitang bati sa kanya ng mga nagkalat na Maritess. Tiyak ang puso ng mga ito ay puno ng pangamba na kapag naging salbahe sa kanya ay mapapatalsik sa WilMar Mall. Well, hindi naman siya ganu'n. May puso pa naman siya saka hindi niya gugustuhin na may maghirap dahil lang na-offend siya.

"Nelia!"

Biglang napatalon ang Maritess ng WilMar Mall sa pagbanggit niya sa pangalan nito. Pakiwari niya, nagulat ito sa kanyang presensya ngayon malayo pa siya ay natanaw na nito. Sadya lang nitong iniwas ang tingin sa kanya dahil sigurado nag aalangan ito. Siguro iniisip nito na galit siya.

"Po?" Mahabang bulalas nito. Kung susukatin kasi nga ang pagbigkas nito ay parang abot hanggang kabilang kanto.

Ibig tuloy niyang mag