KABANATA 3

Tulala na nakatingin sa kawalan si Alex habang nakaupo sa kanyang office chair. Sa harapan niya ay ang mga nakatambak na files na kailangan niya pirmahan for approval, nang di niya napansing dumating si James.

“Alex,”

Makailang tawag ang binata ngunit di parin siya naririnig nito hanggang katukin ni James ang kanyang lamesa.

“Oh. Kanina ka pa?” Tanong ni Alex at nagpatuloy na siya sa kanyang ginagawa.

“Iniisip mo parin ba ang mga narinig mo kahapon?” 

Hindi sumagot si Alex na tila ba walang naririnig sa sinabi ng lalaki. Narinig na lamang ni Alex ang pagbuntong hininga nito.

“How about we’ll have some dinner later?” Suhestiyon ni James Ngunit di parin kumikibo si Alex. 

Napahilamos si James sa kanyang mukha gamit ang mga palad sa inis na di siya kinikibo ng dalaga. “Bakit di ka nagsasalita?” May gigil sa galit ang tono ng pananalita ni James na ikinaangat ng tingin ni Alex sa fiance.

“James… Bakit di nalang natin itu-”

Naputol ang usapan nila ng biglang magring ang cellphone ni James na ipinatong niya sa lamesa ni Alex. Kaya’y nakita ni Alex kung sino ang tumatawag. Isa itong unsaved number. Muling nagkatitigan si Alex at James at bakas sa mukha ni James ang pag-igting ng panga nito. Nagdadalawang isip ang binata kung sasagutin ba niya ang tawag o hindi. Kinakabahan ang binata na para bang may sekreto siyang tinatago na hindi dapat malaman ni Alex. Ngunit sa huli ay sinagot niya ito.

“Hello. Ok, pupuntahan kita ngayon na.”

Napakunot ang dalaga. ‘Bakit ba parang aligaga siya at nagmamadali nang sagutin ang tawag. May dapat ba akong hindi malaman?’ Kunot noong tanong niya sa isip.

“Babe, may emergency lang akong aasikasuhin. Mag-usap nalang tayo mamaya. Sabay na tayo magdinner sa bahay mamaya.” Paalam niya sabay halik ng dalaga sa noo bago nagmamadaling umalis ng kanyang opisina, na ikina-awang ng mga bibig ni Alex. Tiningnan na lamang niya ang papalayong piguro ng fiance.

‘Yun na yun? May hindi kami pinagkakaunawaan pero ito siya bigla akong iniwan sa ere. Ni hindi nga binanggit kung anong emergency iyon. Wow!’ Hindi makapaniwalang sabi sa isip ni Alex.

“So, mas may importante pa pala kaysa ayusin ang relasyon namin. Baka nga naman life and death situation iyon. Pero impossibleng tungkol kanila tita iyong tawag dahil dapat sasabihan din niya ako hindi ba?” Pagkakausap ni Alex sa sarili na animo’y nababaliw na sa kakaisip kung sino ang tumawag sa phone ng kanyang fiance na ikinataranta ng huli. 

Di kalaunan ay tumunog naman ang kanyang phone. Napangiti siya ng makita ang caller ID kung sino ang tumawag.

“Hello,”

“Alex, nasa opisina ka parin ba ngayon?”

“Oo. Bakit?” Tanong ni Alex.

“Matatagalan ka pa? Sabay tayo magdinner. San mo gusto kumain?”

Ang taong tumawag ay ang matalik na kaibigan ni Alex na si Grace Abueva. Isa siyang kilalang gynecologist. Mas matanda kay Alex ng limang taon ngunit wala pa itong asawa, kahit nobyo ay wala rin. MArahil ay ddahil sa kanyang propesyon at nawalan na ng oras na makipagrelasyon. Alam ni Grace ang lahat ng sekretong meron si Alex kahit ang pagdadalang tao nito.

“Sige. Patapos naman na ako dito. Nasa hospital ka ba or nasa ibang lugar?”

Sa kabilang linya napakunot ang noo ng kaibigan. Hindi niya aakalain na papayag agad si Alex sa pag aya niya. Dahil noon, sinasabihan siya na magpapaalam muna sa fiance.

“May nangyari ba sa inyo ng fiance mo at mukhang iba ang mood mo today? Or is it just your preg-”

“Hush!” Pagputol ni Alex sa sasabihin ni Grace. “Baka may makarinig sayo riyan,” dugtong niya.

“So, may problema.” Hindi pa tanong na sabi ni Grace. “Sabihin mo sakin iyan mamaya, okay?”

“Sige. Text mo nalang sa akin kung saan tayo magkikita.”

“Okay! See you.” Hindi na nangulit pa si Grace at ibinaba na lamang ang tawag, bago niya itinext ang address kung saan man siya ngayon.

Tila ba may nakadagan na mabigat na bagay sa dibdib ni Alex. Sa loob ng sampung taon, tumira siya sa mga Lopez na parang isang robot na di susi na kailangang ikutin ni James ang pihitan upang siya ay makakilos. Na kahit makipagkita lamang sa kaibigan ay kailangan niya pang ipagpaalam sa katipan dahil sa takot na baka magalit si James sa kanya kung hindi siya nagpaalam.

Ngunit dahil sa kanyang mga narinig at napansin din niya ang palagiang alis ng may pagmamadali, nararamdaman niyang nagiging pabigat na siya sa lalaki.

Nang marecieved ni Alex ang address na mensahe sa kanya ng kaibigan, ay agad niyang niligpit ang kanyang mga gamit, kinuha ang bag at umalis ng opisina.

“What’s wrong? Nag-away ba kayo mag-asawa?”

Mapait na napangiti si Alex sa sinabi ni Grace. ‘Mag-asawa. Ang sarap pakinggan pero ang sakit isipin kung talaga bang asawa na ang turing sakin?’

“Nabanggit mo na ba sa kanya ang tungkol sa pagbubuntis mo?”

Walang imik si Alex at tanging pagbuntong hininga lang ang isinagot sa kaibigan.

“Bakit di mo pa sinasabi?!” Paghehesterikal na tanong ng kaibigan.

Ikinwento ni Alex ang mga narinig at mga kinikilos ng kanyang fiance sa kaibigan. At nang marinig ang kwento ni Alex ay kinuyom ni Grace ang mga kamay at ibinagsak ang mga ito sa lamesa sa kanilang harapan sa inis, dahilan upang mapalingon ang ibang kumakain sa restaurant.

“Kumalma ka nga!” Pabulong na sabi ni Alex sa kaibigan. 

“Dinaig mo pa ako sa pagka OA mo.” Dagdag niya.

“Sorry naman.” Napaikot nalang ng mata si Alex sa kaibigan nang nginitian siya nito matapos manghingi ng tawad sa pag-eeskandalo niya.

“Hindi kaya… OMG! Baka may ibang babae na siya!”

Nagkibit balikat na lamang si Alex sa nasambit ng kaibigan.

Sa loob ng sampung taon nilang magkasama sa bahay, nitong mga nakaraang dalwang buwan, napansin na ni Alex ang kakaibang kinikilos ni James. Ang palagiang pag-alis nito kahit hating gabi, nagbigay na ng dahilan kay Alex upang magduda. Ngunit sa laki ng tiwala at pagmamahal ng dalaga ay ipinagsawalang bahala niya ito. Ngunit nang marinig niya ang usapan nila ng kaibigan niya, doo mas lalong lumawak ang pagdududa niya.

‘Totoo nga kayang may iba na siya?’ Tanong niya sa sarili.