Chapter 13.2

Wala nang nagawa si Amber nang pumasok sa loob si Ashton Blumentrint.

Walang kahirap-hirap nitong kinarga ang batang natutulog. Kitang-kita niya tuloy kung paano nag-flex ang muscles nito sa braso.

"Let's go home." Malamig na turan nito bago humakbang palabas ng silid. 

Napabuntong-hininga na lamang si Amber bago sumunod sa lalaki.

Nang matapat sila sa kwartong inuukopa niya ay noon niya napansin ang code na itinipa ng lalaki. Ten, twenty-nine, eighteen.

Napakurap siya. Gano'n din ang password ng cellphone niya noon. Ten, twenty-nine, eighteen o October, 29, 2018. Ang birthday ni Hyde.

Napaawang ang bibig niya nang matanto ang kahulugan ng code. 

"What's wrong?" Nang mapatingin siya sa lalaki ay noon niya nakitang nakatitig ito sa kanya. Nakaguhit ang gitla sa noo nito. Marahil ay napansin nito ang kanyang reaksiyon. 

"Iyong code." Kandautal niyang saad.

"It's my son's birthday." Malamig na s