Chapter 13

Ximena

“Uy, buti naman at nakasabay ka sa amin mag-lunch ngayon,” sabi ni Joyce habang nakangiti sa akin. Tumango rin ang apat pa naming kasama sa mesa. Lima silang sekretarya sa buong floor, kasama na si Joyce. Dalawa ang lalaki, sina River at David, at ang dalawa pa naming girl ay sina Isay at Rona.

“Akala ko nga kanina, hindi na ako makakaalis sa tabi ni Sir kahit sandali,” sagot ko bago sumubo ng kanin.

“Aba, alam ko namang libre ang pagkain kapag may kasamang bossing,” sabat ni Rona na may kasamang kunot-noo. “Pero... nalulunok mo ba? I mean, nakakakain ka ba ng maayos knowing na ang kaharap mo ay walking red flag na parang ticking time bomb? Anytime, boom, puputok na lang basta na magiging dahilan ng pagkataranta mo?"

Halakhakan agad ang sagot ng grupo sa banat niya. Ramdam ang nerbiyos sa tawa ni Rona, pero halata rin ang katotohanan sa sinabi niya.

“Hindi naman sa ganun,” napapangiti kong tugon. “Sa totoo lang, noong una, para akong laging nauubusan ng hininga tuwing kasama ko