Kabanata 1242

Hello, mga minamahal kong mambabasa!

Gusto ko lang pong sabihin na nababasa ko po ang inyong mga hinaing at komento.

Una sa lahat, humihingi ako ng pasensya sa inyo. Alam kong nadismaya kayo sa takbo ng kwento, at hindi ito umaayon sa inaasahan ninyong mangyari. Nauunawaan ko po ang inyong mga saloobin at tinatanggap ko ang mga ito bilang mabuting payo.

Lahat tayo ay malayang magbahagi ng komento tungkol sa ating nararamdaman sa binabasa. Gayunpaman, hindi rin maiwasan na makaramdam ng lungkot at bigat ang inyong may-akda habang binabasa ang mga ito — dahil tao rin po ako na may damdamin. Ang hiling ko lang sana ay hayaan ninyo akong magsulat sa paraang sa tingin ko ay makapagpapaganda ng daloy ng kwento, ayon sa aking sariling pananaw.

Naniniwala po ako na hindi ko po mapi-please ang lahat na magustohan ang takbo ng kwento — at ayos lang po iyon. Ang hangad ko lang ay maipahayag ko nang malaya ang aking imahinasyon sa paraang alam ko. Sana po ay maintindihan ninyo.

Alam ko rin po na alam ng marami sa inyo na may sakit sa puso ang inyong may-akda, si Miss A. Alam kong ito ay personal na bagay at hindi ko na dapat ibahagi, ngunit nais ko lamang na maunawaan ninyo kung bakit may mga panahong hindi ako nakakapag-update agad. Mabilis po kasi akong mapagod at kailangang mag-ingat sa aking kalusugan.

Hindi rin po madali ang pagsusulat. Kailangang ibuhos ng manunulat ang kanyang damdamin upang maiparating sa inyo ang tunay na pakiramdam ng mga tauhan sa kwento. Kung ano ang nararamdaman ninyo habang nagbabasa, ganoon din ang nararamdaman ko habang nagsusulat. Bilang manunulat, ang aking gawa ay nakabatay sa aking sariling damdamin. Mahirap pong sumulat kapag may mga personal na pinagdaraanan. Kahit gaano ko pa kagustuhang makapaglabas ng maraming kabanata, may mga pagkakataong napapagod ako mentally at physically, na nakakaapekto sa aking pagsusulat.

Nauunawaan ko po kung bakit kayo nalulungkot o nawawalan ng gana kapag madalang ang mga update. Humihingi po ako ng inyong paumanhin at kaunting pang-unawa.

Matatapos din po ni Miss A ang My Playboy Boss. Hehe… 😊

Dalawa na lang po ang natitirang kwento. Pagkatapos ng Dark Angel, susunod naman ang kwento ni Daniela, at pagkatapos noon ay tatapusin ko na ang My Playboy Boss.

Gusto ko rin pong magpasalamat sa inyo sa patuloy na pagsubaybay hanggang sa kasalukuyan. Humahanga ako sa inyong walang sawang suporta, pagpapahalaga, at pagmamahal sa mga tauhan ng kwento.

Sobrang nagpapasalamat po ako sa inyong lahat. Mahal ko kayo, mga minamahal kong mambabasa!

Maraming-maraming salamat po! 😊