Kabanata 7 : Night Visit

"Hindi ka pa rin ba papasok bukas? Ano? Balak mo bang magmukmuok na lang dito habang buhay? Aba! Nakakalimutan mo atang hindi mo kwarto 'to," litanya ni Marcia na kakalabas lang sa banyo habang pinupunasan ang basa n'yang buhok.

Hindi ko alam kung concern ba talaga s'ya sa akin. Para kasing gusto n'ya na akong palayasin sa pamamahay n'ya.

Pangaalwang gabi ko na ngayon dito sa bahay n'ya. Hindi ako umuuwi sa amin dahil ayokong makita ang pagmumukha ni Pennie. Hindi rin ako pumapasok nang school dahil natatakot ako sa ibibigay sa akin na tingin ng mga estudyante.

Maraming followers sa social media accounts si Aya dahil maganda at sikat s'ya sa school. Kahit walang utak ang isang 'yon katulad ng ate ko ay sapat na para sa mga tao na mabighani sa kanya. Sigurado akong maraming nakakita sa live n'ya kahapon habang pinapahiya n'ya ako.

"Naka-take down na ang video mo, Pixie kaya wala ka ng dapat na ikabahala."

"Kahit naman mawala ang video ay alam pa rin ng mga tao na ako ang nand