Chapter 12 - Favor

Savannah

Maaga akong nagising kinabukasan para ipagluto si Albrey ng almusal. Excited ako dahil unang beses ko siyang ipagluluto. Kaagad akong nagtungo sa kanyang kusina at naghanap doon ng pweding mailuto. Binuksan ko ang kanyang Ref at marami siyang stock ng mga frozen goods gaya ng tosino, ham, hotdog at bacon. Kumuha ako ng lahat ng iyon. Meron din itlog kaya kumuha na rin ako.

Alas-sais na ng umaga at malamang ay gising na siya kaya inihanda ko na ang mga niluto kong pagkain sa mesa. Nagtimpla na rin ako ng kape para sa aming dalawa.

Lumabas ako ng kusina para silipin siya at tama nga ako gising na siya. Nakita ko siya sa sala na may kausap sa cell phone niya. Napanganga naman ako dahil ayan na naman siya, nakahubad na naman s'ya. Tanging cotton short lang ang suot niya at nakabalandra na naman ang mga pandesal niya.

Mukhang bagong paligo siya at naamoy ko na naman ang mabango niyang body wash. Nananadya ba s'ya? Hindi n'ya ko maakit, noh.

Muli na naman akong napahawak sa aking b