006

Aiah

—

“Sino ‘yong kausap mo kanina?” bungad ni Guinne sa akin nang makabalik sa table naming magkakaibigan.

Hillary, Cherry, Agatha, Julius and Dashen were all already there. Mukhang nagpapahupa ng pagod galing sa matinding pagsasayaw. Kanina pa kasi sila roon sa dance floor at mukhang ngayon lang nakahanap ng pagkakataon na makabalik sa lamesa namin.

Lahat sila ay napabaling dahil sa naging tanong sa akin.

“Was that Engr. Jace?” si Guinne ulit.

If I lie now, would I get caught?

Tinitigan ko siya nang matagal, tinatantiya kung talagang nakita niya kami ni Shiloah. Madilim ang pwesto namin kanina, kaya nakakapagtaka na nakita niya pa kami ro’n.

And since we were so focused on each other, hindi ko na rin napansin na may malapit akong kaibigan sa bandang ‘yon. I should really be careful.

My heart was still beating fast from my anger earlier, pero para bang hindi ako pwedeng makahinga nang maluwag dahil pagbalik ko rito ay ito naman ang sumalubong sa akin.

“Engr. Jace is here?” si Cherry pagkatapos uminom sa kanyang cocktail drink. “Kaya pala nakita ko rin sa itaas si Engr. Santos.”

“Maybe they came together or something?” ani Agatha. “Nakita ko sila kaninang magka-usap after class. In fairness, kahit crush ko si Sir Jace, bagay sila ni Ma’am.”

Hillary agreed.

Bigla tuloy nangati ang kamay ko na kumuha ng inumin dahil sa narinig.

Damn. After witnessing their kiss earlier, kailangan pa ba talagang ipamukha sa akin ‘to ngayon?

Ano naman kung bagay sila? Oh, eh ‘di magsama silang dalawa! Maghalikan sila hangga’t gusto nila! Tutal ay bagay naman sila, ‘di ba? 

Go! I would fucking cheer for them!

Kung gusto nila, bukas na bukas din ay magpakasal na sila!

Natakasan ko nga si Shiloah kanina, pero para pa rin akong sinusundan ng anino niya, na maging dito ay siya ang usapan.

“Ano, Aiah? Si Engr. Jace ‘yon, ‘di ba? Anong sinabi sayo?” Tumabi si Guinne sa akin.

And I swear, all I could see was red. I wanted to strangle him just to keep him from being nosy. Bakit ba kasi ang chismoso ng lalaking ‘to? Hindi ba siya marunong manahimik? At talagang ngayon pa magtatanong kung kailan narito ang lahat?

“Nagtanong lang kung nasaan ang comfort room,” pagdadahilan ko.

I lied without even batting an eyelash—a skill that I seemed to have learned and mastered over the one whole year of secretly seeing Shiloah behind everyone’s back.

Hindi ko na napigilan at kumuha na ng panibagong shot. Mabilis ko iyong inubos.

Dashen’s eyes turned into slits.

“Huh? Bakit magtatanong, eh nakasama ko na siya kanina sa men’s room?”

Oh. Shit?

Nagkibit-balikat ako, hindi ipinahalata na sa loob-loob ay kinakabahan na.

“Mukhang tipsy na eh. Alam mo na, mga trentahin. Mga mabibilis malasing.”

Mukhang naniwala naman si Dashen sa naging sagot ko. Tumango-tango siya. Kaso ang isang ulupong sa tabi ko, mukhang hindi pa rin matahimik.

“Talaga? Iyon lang? Pero ba’t parang ang tagal niyong nag-usap?”

Sasagot na sana ako, ngunit naunahan ako ni Hillary. Her nose wrinkled, at mukha ring hindi nagugustuhan ang pang-uusisa ni Guinne sa akin.

“Ano naman kung matagal silang nag-usap? Bakit kailangan mo pang malaman, Guinne?”

Humalakhak si Julius.

“Para naman kayong ‘di nasanay sa pagiging chismoso niyan.”

Guinne, on the other hand, threw Hillary a defensive look.

“Of course I’m curious because I’m worried about our friend. Hindi porket mabait tingnan ang Engr. Jace na ‘yon at trip niyo ang kagwapuhan, matino na talaga.” Nilingon niya ako. “Paano kung pinopormahan na pala si Aiah?”

Hillary scoffed as if the idea itself was so ridiculous. Lalo namang dumoble ang kalabog ng dibdib ko.

Gano’n ba ang naging dating sa kanya nang makita kami kanina?

“And you managed to think that because? Ganyan karumi ang utak mo? Sa tingin mo papatol si Aiah sa prof natin?”

“Sinabi ko bang siya ang papatol?” iritadong balik ni Guinne.

“Pero ganyan ang pinaparating mo. Hindi ba?”

Dashen immediately stepped in between them. “Gago. Kung lasing na kayo, umuwi na tayo. Hindi ‘yong dito pa kayo mag-aaway.”

“I trust Aiah’s judgment!” ani Dashen, hindi pa rin natitigil. He looked so offended by Hillary’s remark, habang natahimik naman ang iba sa amin dahil sa munting pagtatalo nila. “Ang sa akin lang, baka kung ano-ano na pala ang sinasabi ng engineer na ‘yon sa kanya!”

“Oh, kaya mo nga naiisip ‘yan kasi gawain mo,” sagot ni Hillary. “Stop projecting your ugly thoughts toward other people. Matino sila, kaya ‘wag mong igaya sayo.”

Namula ang buong mukha ni Dashen. Sasagot pa sana siya pero inunahan ko na.

Pagak akong natawa sa gitna ng tensyon dahil hindi ko makuha kung bakit pa ba nila pinagtatalunan ‘to.

“Chill, guys. Parang ang ganda ko naman. Hindi naman nangyari ‘yon,” sambit ko, nababahala na ito pa rin ang pinag-uusapan namin imbes na nagsasaya dahil iyon ang pinunta namin dito. “Nagtanong lang talaga kung saan ang men’s room dahil mukhang naliligaw siya sa baba kanina. Sa taas kasi ata sila nakapwesto. Hindi kami magkarinigan dahil maingay at malakas ang tugtog.”

“Right. Kaya will you please drink na? Para naman lumamig ang ulo niyo pareho!” ani Cherry at inabutan ang dalawa ng inumin.

Hillary smirked and willingly took it. “Malamig naman ang ulo ko. Kung hindi lang kasi pakialamero ang iba diyan…”

Padabog na tumayo si Dashen at hindi tinanggap ang inalok ni Cherry. He walked out, habang pilit naman siyang sinusundan ni Julius, na napilitan na magseryoso dahil naging mainit na ang pagtatalo ng dalawa.

“Ano ka ba? Dapat tumigil ka na eh,” ani Dashen at naiiling.

“Eh mukhang ‘di pa rin naman ‘yon titigil. Saka hayaan niyo nga! Masiyadong usisero!”

Napailing na rin ako at panandaliang nakalimutan ang naging problema kanina dahil sa naging away ng mga kaibigan ko.

“Yeah, but you didn’t have to be harsh about it, Hil,” sabi ni Agatha. Nakatingin siya sa direksyon na pinuntahan nina Dashen at Julius bago lumipat ang mga mata sa akin. “Pero iyon lang ba talaga ang nangyari, Aiah? Baka nakita niya kasing ‘di ka kumportable kaya nagtatanong.”

Napalunok ako. Nagsisinungaling na lang din naman ako sa kanila, bakit hindi ko pa lubus-lubusin.

If I die and I go to hell, I would immediately know the reason why.

“Oo, iyon lang.”

Tumango si Agatha. “He’s just protective of us because we’re in a bar. Intindihin niyo na.”

“But there’s a difference between being protective and being nosy. Dapat alamin niya ang pinagkaiba para hindi ako naiirita sa kanya,” sabat ni Hillary. “At ano ba sa tingin niya? If Aiah got cornered, she couldn’t handle herself? She’s a taekwondo player. Alam niya ‘yon dahil magkakaklase kami noong junior high.”

Dashen sighed. “Oo na, oo na. Kumalma ka na rin. Wala ka bang nahanap na lalaki ngayon, kaya masiyado kang hot?”

Pinulot ni Hillary ang walang laman na bottled water at ibinato sa kanya.

“Shut up! Puntahan mo na nga lang ‘yong kaugali mo!”

“Hindi naman ako chismoso?” bulong ni Dashen na pabiro, kaya natawa na rin kami.

“Good luck sayo kapag narinig ka,” ani Cherry.

“Hoy! Huwag niyong sabihin! Biro lang ‘yon!”

“Sasabihin ko! Chismoso pala ha!”

“Guinne chismoso ka raw sabi ni Dashen.”

I laughed and felt grateful for them.

Pero hindi pa rin maalis sa akin ang konsensyang bumabalot dahil sa pagsisinungaling ko sa kanila.

At alam ko rin sa sarili ko na hindi pa rito matatapos ang mga kasinungalingan ko sa gabing ito. Dalangin ko lang sana ay huwag muna akong singilin nito.