Chapter 12

Tinanggihan ko ang pamana ni Arman. 

Tama si Veronica, kung mayroon man na dapat magmana ng mga naiwang yaman ni Arman ay siya iyon dahil siya ang kadugo at hindi ako.

Ayoko na sa huling sandali ay tatanggap ako ng yaman mula sa kan'ya. Hindi ako ang nararapat na humawak ng Hacienda Miraflor dahil wala naman ako sa panahon na binubuo pa lamang ito ng kan'yang ama.

Hindi ako bahagi ng hacienda kaya hindi ko lubos maisip na nagawang ipamana sa akin ni Arman ang lahat ng kan'yang ari-arian. Ako na bata pa at walang karanasan sa pagpapatakbo ng isang negosyo.

"Sandra, you need to accept it." Nang isang linggo pa ako hinihikayat ni Attorney Sheldon na tanggapin ang pamana ni Arman pero mariin ang pagtanggi ko.

Akala ko ba'y ayaw niya sa akin dahil ako ang sinisisi niya sa pagkamatay ng kaibigan niya? Pero bakit narito siya sa aking harapan at nagtatiyagang makiusap sa akin.

"Hindi ba't kapag tinanggap ko iyan ay para ko na din pinatunayan ang akusasyon mong gusto ko talaga na mamatay si Arman para makuha lahat ng yaman niya?"

Mariin na napapikit si Attorney Sheldon tila nauubusan na ng pasensya sa akin. Hinila niya ako patungo sa tabi ng mascott stand ng isang kilalang fastfood chain kung saan ako nag-pa-part time job.

Kanina ko pa siya nakitang naghihintay sa akin sa labas hanggang sa matapos ang shift ko.

"I'm sorry, okay? Kailangan ka namin ngayon, kailangan ka ng mga trabahador. Kung hindi mo tatanggapin ang pamamahala sa hacienda, Mr. Morales will take over at sigurado akong makikipagtulungan sa kan'ya si Veronica para makuha ang Hacienda Miraflor." 

Masarap sana pakinggan ang sinabi ni Attorney Sheldon, kailangan nila ako, ngunit hindi ko alam kung paano pamamahalaan ang iniwan ni Arman kaya mas mabuti pang huwag ko na lamang itong tanggapin.

"Mas mabuti nga kung mapupunta ito kay Veronica, 'di ba't kapatid naman siya ni Arman. Walang masama doon dahil nasa mabuting kamay ang hacienda kapag nailipat sa kan'ya ang pamamahala."

Napakamot ng ulo si Attorney Sheldon. Hindi niya yata inaasahan na magiging mahirap ang pagkumbinsi niya sa akin dahil hindi ko talaga matatanggap ang pamana mula sa kaibigan niya.

Tinap ko ang balikat niya katulad nang nakita kong ginagawa ni Arman sa kan'ya sa tuwing namomoblema siya.

"Wala akong alam sa pag-ma-manage ng isang negosyo attorney. Sigurado akong babagsak lamang ang hacienda kapag nasa pamamahala ko ito. Pasensya na."

Naglakad na ako paalis ngunit napatigil ng magsalita muli si attorney. Tunay nga na abogado siya. Ayaw magpatalo sa isang argumento.

"Mas mabuti nang nasa pangalan mo ang hacienda, Sandra. Sa oras na malipat ito kay Veronica ay mawawalan ng trabaho ang mga naninilbihan dito dahil balak niyang ipagbili ito sa mga negosyanteng nais magpatayo ng subdibisyon sa lugar."

Ang huling sinabi ni attorney ang hindi nagpatulog sa akin kinagabihan. 

Ano ang gagawin ng isang kagaya kong estudyante sa Hacienda Miraflor? Wala akong alam. Kahit pa sabihin ni Attorney Sheldon na gagabayan niya ako sa pagpapatakbo nito ay nakakatakot pa din ito. 

Kinabukasan ay hindi na si Attorney ang naghintay sa akin sa labas ng fastfood chain, na pinagtatrabahuhan ko, kun'di si Manang Dory. Siya ang nag-alaga kay Arman simula pagkabata.

"Saksi si Arman sa pagsusumikap ng kan'yang ama na mapalago ang Hacienda Miraflor. Mula sa mayamang pamilya ang ina ni Arman, na si Doña Miraflor, kaya ganoon na lamang ang kagustuhan ng kan'yang ama na mabigyan ito ng katumbas o higit pa sa karangyaan na namulatan nito. Subalit sa hindi inaasahang pangyayari ay maagang itong kinuha ng langit . Binalot ng kalungkutan at hinagpis si Don Victorino. Dahil dito, napabayaan niya ang hacienda. Sa murang edad ay si Arman na ang umako ng pamamahala dito. Mahalaga sa kan'ya ang hacienda dahil ito ang alaala ng magulang niya, kaya nasisiguro kong pinagkakatiwalaan ka niyang tunay para ilipat niya sa pangalan mo ito." 

Hindi ko inaasahan na iyon ang sasabihin sa akin ni Manang Salve. 

Alam kong mahalaga ang hacienda para kay Arman pero hindi ko alam na mayroon pala itong malalim na kahulugan.

"Aamin kong hindi kita gusto para kay Arman dahil nararamdaman kong hindi mo siya mahal, pero sa tuwing nakikita ko ang saya sa kan'yang mga mata kapag kasama ka niya ay panatag na ako. Minahal ka niya ng buo kahit alam niyang hindi mo kayang tumbasan iyon. Ngayong wala na siya, sana iparamdam mo man lamang na mahalaga siya sa pamamagitan ng pagbibigay ng pag-asa sa mga taong umaasa sa hacienda."

Pag-asa? Ang isang katulad ko ay inaasahan ni Manang Dory na magbibigay ng pag-asa sa mga taga-hacienda? Ganito ba katindi ang pagkadisgusto nilang mapunta kay Veronica ang pamamahala? O baka totoo ang sinabi ni Attorney Sheldon na mayroong maitim na balak ang half-sister ni Arman sa hacienda.

Hindi niya na ako hinayaan pang makapagsalita nang iniabot niya sa akin ang isang nakatiklop na papel kung saan nakasulat ang aking pangalan sa ibabaw.

"Nakita ko ito sa drawer ni Arman. Sana'y makatulong ito sa pagdedesisyon mo."

Pagkatapos kong tanggapin ang sulat ay umalis na siya at naiwan akong tulala sa papel na nasa aking kamay.

Binisita ko ang puntod ni Arman at doon binuksan ang sulat.

Dear Cassandra,

I don't know why I am even writing this letter. Matanda na ako para magbigay pa ng love letter pero gusto kong sumabay sa mga bagay na ginagawa nh mga taong kasing-edad mo. I wish we were born on the same time. Baka kung ganoon ay mamahalin mo ako kaagad.

I am sorry kung ikinukulong kita sa pagmamahal ko, subalit ito ang tama. Ganito rin magmahal si papa kay mama. Nakita ko kung paanong unti-unti siyang minahal ni mama nang lumago ang haciendang mula sa dugo at pawis niya. Kaya nasisiguro kong mamahalin mo rin ako sa takdang panahon.

Ikaw ang gusto kong katuwang sa pagpapalago pa lalo ng Hacienda Miraflor, ikaw lamang at wala nang iba pa.

Mahal kita Cassandra. Mahal na mahal.

Sumasaiyo,

Arman