Chapter 51

Mataas na ang sikat ng araw nang magising ako kinabukasan dahil sa ikalawang beses na pagbalik ni manang sa tapat ng aking kwarto upang gisingin ako.

Hindi niya naman ako kinakatok sa kwarto lalo na sa umaga kung wala siyang kailangan.

Papungas-pungas ang matang nagtungo ako sa pinto.

"Magandang umaga po," bati niya. 

Nginitian ko siya pabalik. 

Pakiramdam ko'y lumulutang ako dahil sa kakulangan ng tulog. 

Matindi talaga ang epekto ng alak sa akin kahit kaunti lang naman ang ininom ko.

"Nasa labas po si Sir Mateo, may meeting daw po kayo."

Nanlaki ang aking mata sa sinabi niya. Tila nawala ang pagkaantok ko.

"Sigurado po kayo manang?" Alam ko naman na hindi nagagawang magbiro sa akin ng mga kasambahay namin pero hindi ko pa rin maiwasan na magduda sa sinabi niya.

"Sa katunayan nga po, kanina pa siya nasa ibaba. Sinabi ko po na tulog pa kayo pero maghihintay daw po siya."

Tumingin ako sa orasa