Chapter 21

MAGGIE

NAMANGHA AKO pagdating ko sa pool area sa bandang likod ng bahay. Puro lobo ang gilid ng pool at may mga nakalutang na salbabida na iba iba ang kulay. Nasa pavillion naman ang mga handang pagkain at malaking cake. May palechon pa at ihaw ihaw. Meron ding videoke, wine at mga light beer. Ang mga kaklase ko ay nagkakahiyaan pa pero bakas sa kanilang mukha ang pagkamangha.

"Nagustuhan mo ba?" Nakangiting tanong sa akin ni ate Mikay. Nasa tabi nya si kuya Austin na nakangiti din karga si baby Adelline na may hawak na lobo. Nasa likod naman si ate Jing at ang dalawang kasambahay kasama ang driver na si kuya Sitong. Lahat sila ay may ngiti at parang hinihintay ang husga ko. Malamang ay nagtulong tulong sila na magawa ito.

"Akala ko ba ate simple lang." Sabi ko. Sa totoo lang ay nalulula ako. Noong eighteen birthday ko simple lang ang ganap pero masaya. Nasa probinsya pa ako noon. Nagkatay si nanay ng ilang manok at niluto. Naglechon pa sila ng baboy at pinagsaluhan namin kasama ang