Kapitulo VI - Angry

Kinagabihan din ng araw na iyon ay umuwi ako sa bahay kasama si Skylen upang kumustahin si Mommy. Naisipan kong dito muna ako matutulog dahil wala naman akong part-time job buong linggo dahil nag-file muna ako ng temporary leave para sa Finals week namin starting next week.

Pinatay ko ang makina ng aking sasakyan at tinanggal ang aking seatbelt pagka-park ko sa aming garahe. Nakita kong balisa pa rin sa kanyang kinauupuan ang kapatid ko. "Hindi pa rin ba sinasagot ni Mommy, Skylen?" Bakas ang kaba at pag-aalala sa kanyang habang hinihintay pa rin ang pagsagot ni Mommy sa kanyang tawag gamit ang cellphone ko. Kanina ay sinubukan niya na rin itong tawagan gamit ang kanyang cellphone pero hindi rin ito sinagot kaya naisip namin na baka ayaw niya lang talagang sagutin iyon dahil numero iyon ni Skylen.

Nagmamadali kaming bumaba mula sa sasakyan at pumasok na sa bahay. Lumapit ako sa isa sa mga kasambahay. "Manang, nasaan po si Mommy?" mahinahong tanong ko sa kanya upang h