Chapter 13 Conflict

Samantala si Cristine naman ay nakapagdisisyon na para sagutin si Carl. Tinext ni Cristine si Carl upang magkita sila ng binata para sabihin dito ang matamis na oo niya.

"Okay Cristine.....magkita tayo sa isang restaurant sa Roxas Boulevard." Wika ni Carl.

"Ano kayang sasabihin ni Cristine?" Wika ni Carl habang nagmamaneho ng kotse.

Pagdating sa restaurant na sinabi ni Carl ay nakita niya agad si Cristine mula sa labas. Ngumiti ito sa binata at kinawayan naman siya ni Carl.

"Kumusta Cristine? Mukhang importante yung sasabihin mo." Wika ni Carl.

"Oo Carl, mahalaga yung sasabihin ko sa'yo." Sagot naman ni Cristine.

"Nakapag-disisyon na ako sa panliligaw mo sa akin."

"Talaga !" Excited na tugon ni Carl kay Cristine.

"Ano'ng pasya mo Cristine?" Tanong ni Carl.

"Mahal din kita Carl." Sagot ni Cristine.

Hindi alam ni Carl kung ano'ng sasabihin kay Cristine dahil sa narinig sa dalaga.