My Virgin Labandera

Chapter 3

Niyayaya si Terron ng kaibigan niya na si Gerald para lumabas nang sa ganon ay makapag enjoy sila. Dating gawi mambabae pero tumatanggi siya na laking pagtataka ng malapit niyang kaibigan. Sa mga ganon kasing lakad ay hindi tumatanggi ang isang Terron Hernandez. Inaasar pa nga siya nito na anong masamang hangin daw ang nakadali sakanya.

Gusto naman ni Terron na kahit papaano ay mag eenjoy. Pero parang mas mag eenjoy siya kapag nakita niya na ulit ang labandera ng mga magulang niya. Na hindi pa bumabalik dahil linggo pa naman talaga ang balik nito. Masyado na siyang naging interesado sa babae na pati ibang gawain niya ay naapektuhan na.

Samantala si Ella habang walang labada ay nagbebenta ng paninda ni Aling na medyo malapit lang sakanila nila at may kaya din. Sapat na rin ang ibinibigay nito sakanya sa isang araw. Naniniwala kasi siya na wala namang tatanggap sakanya na mga trabaho sa mga resto o kompanya. Hindi naman kasi siya nakatapos.

Masyado pa naman na mataas ang standards ng iba. Minsan nga na sumubok siya ay paano daw siya tatanggapin kung noong highschool, di ganon kataasan ang grades niya tapos di pa siya nagcollege. Kaya siguro bukod sa kahirapan at kawalan ng sapat na talino ang kalaban niya para makapag-aral. Ayaw na ni Ella na makaranas pa ulit ng pangmamaliit sa kapwa kaya di na siya muli pang sumubok.

May bumibili ng bigla na lang pumasok sa isip ni Ella na sa susunod na araw ay linggo na pala. Kaya babalik na siya sa malaking bahay ng mga Hernandez . Pero ipinagdarasal niya na lang na sana wala doon ang anak ng mag-asawa na si Terron. Kahit yun na lang.

" Ella, ano ba may bumibili." Sabi ni Aling Terrie na may ari ng bilihan ng meryenda. Agad na napabalik sa wisyo si Ella at humingi ng pasensya dito. Naiintindihan naman siya basta daw ay maging alisto lang lagi. Kaya naman napatango na lamang siya.

Maagang naubos ang itinitinda ni Ella siguro dahil sa masarap talaga ang luto niya. Bukod kasi sa pagiging masipag ay yun ang naipamana sakanya ng kanyang nanay ang labis niyang kasipagan.

" Aling Terrie uwi na po ako." Paalam niya kay Aling Terrie .

" Sige balik ka na lang bukas. " Naabutan na naman siya nito. Kaya uuwi na talaga siya.

Nang makauwi si Ella, naabutan niya ang kanyang nanay na nagwawalis. Mabilis siyang lumapit dito at inagaw ang walis.

" Nay, naman dapat nagpapahinga lang kayo." Sabi niya dito.

" Eh anak ikaw na nga ang nagtatrabaho sa ating dalawa nakakahiya naman kung pati dito sa bahay ay ikaw pa rin. "

" Nay, naman ayos lang . Ito may dala ko sa inyong pansit. " Aniya sabay ngiti. Napatingin na lamang ang nanay niya sakanyang dala dala.

" Hindi lang talaga masipag ang anak ko kundi napakasweet pang bata. "

Napangiti na lang si Ella." Siyempre mahal ko kayo eh. Tayo na nga lang ang magkasama."

" Pero anak di ka ba nahihirapan sa paglalabada? " Biglang napaisip si Ella kung sasabihin niya ba sa nanay niya ang tungkol sa anak ng mag-asawa. Pero ayaw nito itong pag-isipin kaya wag na lang baka maapektuhan pa ang nanay niya.

Pinagsaluhan nila ng nanay niya ang dala niyang pansit.

" Ang sarap talaga ng luto mo anak kaya ayaw kang pakawalan ni Aling Terrie. Mawawalan siya ng masikap na tagabenta at kung iba magluluto baka kaunti na lang ang bumili. "

Natawa na lamang siya sa sinabi ng kanyang nanay." Sa inyo ko natuto eh. " Ginulo na lamang ng nanay niya ang kanyang buhok. Para sakanyang nanay ay handang tiisin ni Ella ang lahat kahit ang ugali pa ng ibang tao na hindi talaga kagusto gusto. Katulad na lamang ng ugali ng Terron na yon.