My Virgin Labandera

Chapter 1

Maagang umalis sa bahay nila si Ella para pumunta sa bahay ng mag-asawang Hernandez kung saan doon naglalaba ang kanyang ina na pinatigil niya na sa ginagawa at siya na pumalit dahil nakikita niya na nahihirapan na ito. Ang ina niya na lang ang meron siya dahil ang tatay niya ay matagal ng wala at sila na lang din ang magkasama sa buhay kaya ayaw niyang mawala ito sakanya.

Isa pa mabait naman ang mag-asawang Hernandez at mapagbigay din sa kapwa kaya wala siyang problema sa mga ito . Tuwing matatapos nga siya sa paglalaba ay may pinapadala si Mrs. Hernandez sakanya para pagsaluhan nila ng nanay niya. Kaya laking pasasalamat niya talaga sa mga ito. Bukod doon ay kasundo niya na rin ang mga maids sa bahay siguro ay dahil na rin sa magaling siyang makitungo sa ibang tao.

" Tapos ka na Ella? " Tanong sakanya ni Macy na isa sa mga katulong sa napakalaking bahay na iyon.

" Hindi pa pero matatapos na ." Aniya. Binigyan siya ni Macy ng sandwich na ginawa nito para sa sarili kaya nagpasalamat na lamang siya dito at ngumiti.

Matapos magmeryenda ay balik na sa paglalaba si Ella nang biglang sumulpot si Mrs. Hernandez. " Hija , pwede bang pakuha ng damit ng anak ko sa kwarto sa itaas. Yung pangalawang kwarto. May inuutos kasi ako sa mga maids. " Sabi sakanya ng ginang. Mabilis naman siyang tumalima sa ipinag-uutos nito.

Ngunit nagulat talaga siya sa nalaman na may anak pala ang mag-asawa? Wala namang nabanggit sakanya ang nanay niya.

Pakanta kanta pa si Ella habang papunta sa kwartong tinutukoy ng ginang. Pagpasok niya doon ay mabilis niyang nakita ang basket na kakaunti lang naman ang laman kaya mabilis lang din pala siyang matatapos pero halos atakihin siya sa gulat ng may lumabas na lalaki mula sa banyo.

" Who are you at anong gagawin mo sa mga damit ko? " Ito na kaya ang anak ng mag-asawang Hernandez?

" Labandera po ako ng mga magulang niyo. Sige po sir. May gagawin pa po ako." Saka siya tumalikod na dala dala niya na ang basket ngunit hinabol siya ng lalaki at hinarangan.

" Sa pagkakaalam ko ay si Aling Estrella ang labandera namin."

" Anak niya po ako. Hindi na po pwedeng magtrabaho ang nanay ko." Nayuyuko niyang sagot dahil hindi niya makayanan ang tingin sakanya ng lalaki.

" Sir dadaan po ako may kailangan pa po kasi ako na tapusin na labahin."

" Sino ka para utusan ako? Hindi pa ko tapos na kausapin ka. " Sa nakikita niya ay magaspang ang ugali ng anak ng mag-asawang Hernandez.

" Pasensya na po pero may gagawin pa talaga ako . " Saka niya pinilit na makadaan . Narinig niya pa ang pagtawa ng lalaki na di niya nalamang pinansin. Pero isa lang ang masasabi niya. Nakakainis ang lalaki.

Natawa na lamang si Terron tila ba takot o naiilang sakanya ang babae. Hindi naman sinabi sakanya ng mga magulang na ang anak na pala ni Aling Estrella ang labandera nila. Hindi niya alam kung bakit siya biglang naging interesado sa babae marahil ay dahil sa nakikita niya na mukhang inosente ito at iba sa mga babaeng nakilala at natikman niya na.