My Virgin Labandera

Chapter 4

Araw na ng linggo kaya maagang pumunta si Ella sa malaking bahay ng mga Hernandez upang sa ganon ay maaga rin siyang makaalis doon. Ayaw niya ng makasagupa ang anak ng mag-asawa. Masisira masira lamang ang araw niya. Ngunit kamalasan nga naman, pagpasok niya kasi ng loob ng bahay ay si Terron agad ang nakita niya. Nakaupo sa may sofa na mukhang hinihintay.

Di niya na lamang pinansin ang lalaki at tinawag ang pangalan ng mag-asawa. Kahit naman nasa pangalawang palapag ang mag-asawa ay rinig siya mula sa baba dahil may kalakasan ang kanyang boses.

" Hindi mo man lang ba ako babatiin ng goodmorning? Or what? Wala kang respeto sa anak ng mga taong nagpapasweldo sayo." Sabi sakanya ni Terron matapos ipatong sa mesa ang kaninang binabasa nito na magazine.

" Hindi niyo na rin naman po ako nirerespect, Sir. Kaya bakit ako magiging ganon sa inyo." Aniya sa lalaki na halatang kinainis nito. Napatayo tuloy ito at mukhang papatulan siya pero nakita na pababa na ang mga magulang.

" Ella Hija aalis kasi kami ng asawa ko. ang pera ay iniwan namin kay Manang, kuhanin mo na lamang kapag tapos ka na." Ani Mrs. Hernandez.

" Sige po." At siya ay ngumiti.

Tumingin ang ginang sa anak nito." Son may papalabhan ka ba? Ibigay mo na lamang kay Ella. Aalis na kami ng daddy mo. "

Napangiti si Terron sa sinabi ng mommy nito. At yun nga umalis na ang mag-asawa.

" Follow me. " Utos sakanya ng lalaki. Kung wala lang talagang sinabi ang mga magulang nito. Talagang hindi siya susunod.

Nasa loob na sila ng kwarto ni Terron at abala na siya sa paglalagay sa basket ng mga gustong nitong palabhan. Halos lahat ata na sa tingin nito na madumi, ipapalaba na sakanya. Nang bigla na lang nitong isinarado ang pinto.

" Sir Terron , ano pong ginagawa niyo?" Tanong niya sa lalaki na pinilit pa rin ni Ella na gamitin ang matapang niyang boses . Para di isipin ng lalaki na siya ay mahina at natatakot dito.

" Oh don't be scared Ella mag-uusap lamang tayong dalawa." Tsaka unti unting naglakad papunta sakanya ang lalaki.

" Mag-uusap pero bakit pa kailangan na sarado ang pintuan? At wala akong oras na makipag usap sa inyo dahil ang dami niyong pinalalabhan sa akin. " Inis niyang sabi sa lalaki.

Kaya mahina itong napatawa." Sabihin na lang natin na ayoko ng istorbo. " Doon na tuluyang kinabahan si Ella. Kaya umisip agad siya ng paraan kung paano maipagtanggol ang sarili kung sakaling gawan siya ng masama ng lalaki.

Nang nasa harapan niya na si Terron ay hinaplos nito ang kanyang mukha . Grabe ang tingin nito sakanya. Tingin na parang may gusto. May gustong makuha kaya di na nagdalawang isip pa si Ella na ibaba muna ang basket na may lamang labahin saka niya tinuhod ang pag-aari ng lalaki. Dali dali siyang lumabas ng silid. Narinig niya pa ang pagmumura ng lalaki pero wala siyang pakialam. Di siya padadaig sa kabastusan nitong taglay. Dahil hindi naman siya ganong klase ng babae.

" Oh anong nangyari? Bakit pinagpapawisan ka parang may humabol sayo? " Tanong ni Macy noong nasa may kusina na siya. Kahit na di niya talaga gawain ang magsinungaling, napilitan na siya.

" Wala ang init kasi. Sige maglalaba na ko " at lumabas na siya sa pintuan sa may kusina. Sa labas kasi noon ay nandoon ang lugar kung saan siya pwedeng maglaba. Doon walang istorbo para makatapos siya agad . Para makaalis agad doon. Kinakabahan kasi dahil sakanyang ginawa. Baka gantihan siya ni Terron.