CHAPTER 16

NAGHAHANDA ng lunch si Amanda nang dumating si Wendy kasama ang ina nitong si Erlinda o Ninang Linda kung tawagin ni Genis.

Diretso kaagad ang mga ito sa kusina kung saan andun siya. Sinipat siya ng matandang babae mula ulo hanggang paa saka bahagyang napaismid at inilinga ang tingin sa buong kapaligiran, “Ang tamad-tamad mo naman, ni hindi ka man lang naglilinis ng bahay,” sabi nito sa kanya saka muling napaismid, “Hindi ka na nahiya sa asawa mo, ang sipag-sipag magtrabaho pagkatapos nakahilata ka lang siguro maghapon.”

“Naku Mommy, sinabi mo pa. Feeling prinsesa ang babaeng yan dito. Nagrereklamo nga si Genis sakin,” sabi naman ni Wendy, “Bukod sa tanghali na raw gumising, masyado pang pakialamera. Super assuming. Lahat raw ng gamit nya gustong pakialaman. Umaandar na naman siguro ang kakatihan ng kamay.”

Napakagat labi siya. Gusto na niyang patulan ang mga ito ngunit alam niyang siya na naman ang mapapagalitan ni Genis kapag sinagot niya a