CHAPTER 42

“DAD. . .” MAHINANG usal ni Amanda habang nakatingin sa kanyang ama na nakahiga habang maraming nakasaksak na apparatus sa katawan nito. Parang dinudurog ang puso niyang makita ang ama sa ganuong kalagayan lalo pa at nasabi ng ina niya ang dahilan kung bakit ito inatake. Hindi naman niya magawang sisihin ang ina. Kasalanan rin naman niya dahil sinabi niya ang problema niya sa kanyang Mommy. Alam naman niyang di ito makakatiis kahit na ano pang pakiusap niya, sasabihin at sasabihin rin iyon nito sa kanyang Daddy.

Paglabas niya ng silid ng ama ay nakita niyang nakakuyom ang mga palad ng Kuya Lukas niya habang kausap ang ina niya. Nakagat labi siya. Tumayo kaagad ang Kuya Lukas niya pagkakita sa kanya.

Napahinga siya ng malalim. Gustuhin man niya ay di na niya maibabalik pa ang mga nasabi niya sa ina. Sana pala ay sinarili na lamang niya ang pinagdadaanang mga problema.

“Ma, may usapan tayo, di ba?” Hindi na nakatiis na sumbat niya rito, “Dapat pala sin