MALAKAS ANG BUHOS ng ulan sa labas dahil sa super typhoon na si Mareng at kagaya ng nag-aalimpuyong panahon ay ganoon din si Kara. Kasalukuyan siyang naroon sa bahay ni Landon sa San Juan at naglalabas ng galit dahil nalaman niyang nagpagawa si Taj ng Stress Wall para kay Tori.“Shit! Shit!” galit na sigaw ni Kara.Wala siyang pakialam sa bagyo o kung binabaha na ba ang Pilipinas. Basta ang alam niya ay gusto niyang makaganti kay Tori. Hindi siya makakapayag na mauwi sa wala ang mga pinaghirapan niya nang dahil lang sa pagpa-papel nito kay Taj. No! Hindi maaari…Tumigil naman sa pagsimsim ng alak mula sa hawak niyang baso si Landon at kunot ang noo na tiningnan si Kara na kanina pa lakad nang lakad sa kanyang harapan. “Akin lang si Taj. Akin—”Tuluyan nang napatid ang pagtitimpi ni Landon. Galit na ibinalibag niya sa pader ang hawak na baso at lumikha iyon ng ingay nang mabasag. “Enough!” sigaw ni Landon.Napapitlag naman si Kara. Napatigil din siya sa walang tigil na paglalakad at
Sabado ng umaga. Halos kahuhupa lang ng bagyong Mareng na sumalanta sa malaking bahagi ng Visayas maging sa ilang rehiyon ng Luzon. At pang-apat na araw na ring pansamantalang nakatira sa poder ni Taj ang mag-inang Tori at Hajie. Nasira kasi ang isang bahagi ng ancestral house dahil sa natumbang puno ng mangga na dulot ng malakas na hangin.Dala ang ginawang pancake para kay Hajie ay naglakad na si Tori patungo sa veranda kung saan naroon ang anak kasama ang ama nito. Malaking tulong din ang apat na araw na pamamalagi nila sa bahay ni Taj para mas maging malapit sa isa’t-isa ang dalawa. Sandaling tumigil si Tori nang mula sa kanyang kinatatayuan ay matanaw niya si Hajie na masayang nakasakay sa likod ni Taj. Naglalaro ang dalawa ng kabayo-kabayoan sa veranda habang nakangiti namang nakamasid si Giorgia. May hawak pa itong cellphone at tila kinukunan ng video ang mag-ama. Kagabi lang dumating si Giorgia dahil na-stranded ang babae sa Iloilo. Hindi na sila nagpang-abot dalawa dahil tul
MAAGA pa lang ay nasa gitna na ng malawak na manggahan si Taj kasama ang anak niyang si Hajie. Wala si Tori. Alas sais pa lang ng umaga ay bumiyahe na patungo sa Manila ang babae para sa isang importanteng meeting kasama ang ilang boss ng Crystal Music at ang organizer. Pag-uusaan ng mga ito ang tungkol sa na-cancel na concert ng pop star sa Los Angeles dahil sa pagkamatay ni Wanji.“Malaki rin ho ang pinsalang natamo ng manggahan nang dahil sa bagyo, Sir Taj,” imporma ng isang tauhan ni Taj na nakasunod sa kanilang dalawa ni Hajie.Isag mahinang buntong-hininga ang pinakawalan ni Taj. Ano pa nga ba ang magagawa niya? “Oho nga, Tata Teban, eh. Gawan na lang ho natin ng paraan na kahit paano ay hindi tayo malugi sa ginastos natin ngayong season.” turan niya bago yumuko para damputin ang isa sa maraming bunga ng mangga na naglaglagan dahil sa lakas ng hangin. Sinuri iyon ni Taj at nang masigurong magulang na ang hawak na bunga ay isa pa uling buntong-hininga ang pinakawalan niya. P’w
“Hi…”Kaagad na gumuhit ang masayang ngiti mula sa magkabilang sulok ng mga labi ni Tori nang marinig niya ang pamilyar na tinig ni Darlene. Ang kanyang personal financial consultant simula pa noong pumasok siya sa showbiz.“Thank God, pinaunlakan mo ang invitation ko,” bakas ang tuwa sa tinig na turan ni Tori sa bagong dating.Alam ni Tori na maraming ginagawa ang babae ngayon dahil bukod sa pagiging financial consultant ay nagta-trabaho din si Darlene sa isang sangay ng gobyerno bilang isang accountant. Isa pa ay nagtuturo din si Darlene sa isang university sa Bulacan. Masyadong workaholic ang babae kaya ang tawag niya rito ay ang babaeng walang pahinga.Umirap naman si Darlene bago siya b****o kay Tori. “Sus, porke alam mong hindi kita kayang tiisin,” naka-ismid na aniya sa pop star. Nang mapatingin siya sa upuang nasa kaliwa ni Tori ay kaagad na umangat ang kilay niya nang makilala ang lalaking nakaupo roon. “Mr. Sebastian, what a pleasant surprise!” puna niya sa kilalang negosyan
ALA-UNA pa lang ng hapon ay nakahanda na si Tori at ang team niya. Kagabi pa sila dumating sa bayan ng La Paz, Tarlac para sa gagawing pagbisita ng popstar sa isang maysakit na tagahanga sa barangay Guevara.“Handa na ba ang lahat?” tanong ng bagong PA ni Tori na si Riza. Tumango ang isa pang kasama nila pati na rin ang tatlong lalaki na kasama sa security team ni Tori.Napatango-tango si Riza. “Okay, good. Hintayin na lang natin ang tawag ng isa nating kasama na nauna na sa Guevara bago tayo aalis.” aniya sa mga ito.Samantala, abala naman si Tori sa hawak niyang cellphone. Tinatawagan niya si Taj. Naiwan kasi sa lalaki ang anak nilang si Hajie.Tatlong araw din siyang mawawala dahil pagkatapos ng gagawin niyang pagbisita sa isang fan ay tutulak naman siya patungo sa Manila. Launching ng isang sikat produkto na siya ang endorser at kailangang naroon siya. Sunod naman ay may meeting siya kasama ang ilang opisyal ng Central Production para sa gagawin niyang bagong pelikula kasama si E
ISANG MALAWAK NA NGITI ang kaagad na sumilay sa mga labi ni Kara nang makita niya ang dalawang pulang guhit sa hawak niyang pregnancy test. Dalawang beses siyang nag-test dahil gusto niyang makasiguro. “Oh, thank goodness!” tuwang bulalas ni Kara na napatalon pa sa tuwa ngunit kaagad din siyang napatigil nang maalalang dapat nga pala siyang mag-ingat. Hindi p’wedeng mawala ang sanggol na nasa sinapupunan niya.Ang natatangi niyang alas kay Taj. Ibinalik niya ang hawak na pregnancy test sa box nito at kaagad na naghubad ng suot na damit. Maliligo siya at makipagkita kay Taj.Habang nagsasabon ng katawan ay pakanta-kanta pa si Kara. Masayang-masaya siya. Kapag naman talagang sini-suwerte. Tila umaayon sa kanya ang pagkakataon at tadhana. Kinapa niya ang impis pang puson. At muli ay isang malawak na ngiti ang gumuhit sa mga labi niya. Nang matapos maligo ay kaagad na nagbihis si Kara. Simpleng floral dress lamang ang isinuot niya na umaabot hanggang sa kalagitnaan ng kanyang mga hita
“OKAY, THAT’S ALL FOR TODAY.” pagtatapos ni Landon sa weekly meeting ng Consunji Real Estate and Construction Company.Halos sabay-sabay na tumayo ang heads ng bawat department ng kompanyang pag-aari ni Taj. Ilang saglit pa ay wala nang naiwan sa loob ng malawak na conference room maliban kay Taj at Landon.Kunot ang noo ni Landon habang nilalaro sa kanyang mga daliri ang hawak na ballpen. Nauna nang lumabas ang sekretarya niya dala ang kanyang mga gamit. Something is off about Taj. Kanina pa niya napapansin na wala sa pinag-uusapan nila ang buong atensiyon nito. Tila may kung anong malalim na dahilan ang gumugulo sa isipan nito. Sandali pa munang nakiramdam si Landon at nang hindi na siya makatiis ay tuluyan na niyang binasag ang kanyang pananahimik.“What’s up?” aniya kay Taj na tila hindi naman siya narinig. Nanatili lamang nakatitig sa kawalan ang kaibian niya. “Hey, man…” tawag niya rito saka niya dinampot ang papel na nasa kanyang harapan. Ginawa niya itong bola saka ibinato ka
POLARIS STADIUM “Tori! Tori!” “Tori!” “More…more…more!” Dumadagundong ang loob ng malawak na stadium na pag-aari rin ng mga Rodriguez dahil sa walang tigil na sigawan ng mga fans ni Tori Herrera na kasalukuyang naroon para sa kanyang homecoming concert. Anak si Tori ng kilalang singer-actress na si Marigold Herrera at ng kilalang matinee idol noong kapanahunan nito na si Christopher De Silva. Nagsimula ang karera niya bilang si Tori Herrera, isa sa pinakamaningning na singer-actress ngayon sa bansa noong siya nasa edad labing-pito pa lamang. Marami ang nagduda sa kakayahan niya noong una at ang sabi pa ay kaya lang naman daw siya mabilis na nakilala ay dahil sa impluwensiya ng mga magulang niya. She was privileged and a nepo baby, sabi pa. Ngunit pagkalipas ng tatlong taon ay napatunayan niyang hindi siya sumikat dahil siya si Tori Herrera, anak ng kilalang singer-actress na si Marigold Herrera, kundi dahil talagang may ibubuga siya. Sa katunayan ay isang linggo pa lang ang naka