Kabanata 3

“Bata lang yun. Bibo at masayahin siya kaya asahan mo nang ganun talaga ang mga ikikilos niya,” galit na sumbat sa kaniya ni Jake isang gabi.

Nagulat siya nang malaman na nagsumbong pala talaga si Sofia kay Jake. Ang problema ay siya itong nagmukhang kontrabida sa eksena.

“May ginawa ba akong mali? Di ba wala naman? Nahulog ang lagayan ng asukal at dinaluhan ko ang bata—”

“Umiyak ang bata nang dumating si Sofia. May marka ng kamay ang braso. Sinong gumawa no'n sa tingin mo?” putol ni Jake sa sasabihin niya.

Maging siya ay nagulat sa narinig. Ni hindi niya hinawakan ang bata. Ang totoo ay nag-alala pa siya rito.

“Noong sinabi kong gusto kong patirahin sa bahay na 'to sina Sofia, bigla kang nagulat. Una pa lang alam kong ayaw mo sa kanila. Pero for fvck sake, Adah! Kailangan ba na umabot sa point na palihim mong saktan ang bata?!” bulyaw ni Jake dahilan para mapapiksi siya.

Napatayo na siya kalaunan dahil sa inis. Hindi na siya natutuwa sa mga pagbibintang nito sa kaniya.

“Gosh Jake! Hindi ko sinaktan ang bata!” ganti niyang bulyaw. “Bakit ayaw mong maniwala?”

Umiling iling si Jake at umatras sabay walk out. Ni hindi na nito hinayaang magpaliwanag siya. Napasabunot siya sa buhok.

Dahil doon ay nagdesisyon si Adah na kausapin si Sofia. Naawa siya sa mag-ina kaya pumayag siyang tumira ang mga ito doon. Pero hindi niya inasahang gagawin ito ng babae.

Lunes ng umaga ay balak niyang puntahan sa silid nito si Sofia. Ngunit nagulat na lang siya nang makita ang kalat sa baba.

Namilog ang mga mata niya nang makitang basag na ang mamahaling vase sa bahay. Nagkalat ang piraso niyon sa sahig.

Maliban sa mahal ang vase na iyon ay wedding gift iyon ng Lola ni Jake. Hindi lang iyon basta vase lang. Dahil heirloom vase iyon.

“Oh my! Baby, sabi ko naman sa'yo mag-ingat ka, e.”

Nilingon niya ang nagsalitang si Sofia. Kararating lang nito at hawak sa kabilang kamay ang ipad. May panunuya pa sa boses nito nang sabihin iyon sabay sulyap sa kaniya.

“Oh! Nandiyan ka pala. Nahulog ng anak ko itong vase mo. Ako na ang magpapaliwanag kay Jake. Sure naman akong mauunawaan niya. Makulit kasi itong si Baby Chun ko,” anito sabay karga sa anak. Ni hindi ito nag-sorry.

Naiinis na siya sa totoo lang. Maliban doon ay kabado rin siya dahil nasira ng mga ito ang pinakaiingatan na bagay ng pamilya ni Jake.

Akmang bababa siya upang pulutin ang mga nagkalat na parte ng vase pero saktong bumulaga ang pigura ng taong kinatatakutan niya sa mga oras na iyon.

Ang Lola ni Jake!

“Ito ang!” bulalas ng matanda nang makita ang basag sa sahig at napagtanto kung ano iyon.

Agarang bumakas ang galit sa mga mata ng matanda. Nadagdagan pa iyon nang makita si Sofia na lumabas mula sa silid karga-karga ang anak.

“You two. Mag-usap tayo sa sala!” bulyaw ng matanda sabay turo sa kanilang dalawa ni Sofia.

........

Kanina pa pangiwi ngiwi si Sofia habang nakaluhod sa carpet. Masakit na ang tuhod niya pero hindi siya nagrereklamo tulad ni Sofia.

“I swear malalagot siya kay Jake,” bubulong bulong ni Sofia.

Kumunot ang noo niya. Bakit kay Jake malalagot? At sinong malalagot? Ang Lola ba ni Jake? Iniisip talaga ni Sofia na kakampihan ito ni Jake pagkatapos ng nagawa nito. At ang mismong asawa niya pa talaga ang inaasahan nito sa bagay na yun?

“So nandito ka pala? Pagkatapos mong umalis sa bahay dito ka nakisiksik?” iritado ang boses ng Lola ni Jake sabay turo kay Sofia.

Ilang saglit ay siya naman ang binalingan. “Alam mo kung gaano ko pinahalagahan iyon pero sinira mo lang. Alam mo ba gaano iyon kahalaga sa pamilya namin?!”

Nagtagis ang bagang niya. Ayaw niyang ituro ang anak ni Sofia. Kahit nakakainis si Sofia ay ayaw niya rin naman madamay ang bata sa problema nilang matatanda.

“Ano bang kasalanan ko para idamay pa ako dito? Umalis na nga ako sa bahay tapos hanggang dito ba naman pagagalitan niyo pa rin ako?!” biglang sumigaw si Sofia tapos ay nakipagtitigan ng matalim sa matanda.

“Ano? Sumasagot ka na?!” akmang sasampalin ito ng matanda pero may kamay na humawak sa kamay ng matanda.

“Lola, tama na po.”

Sumulpot mula sa likuran si Jake. Kaagad na umatungal si Sofia at tumayo mula sa pagkakaluhod sabay yakap kay Jake.

Natulala siya sa nakita. Niyakap ng ibang babae ang asawa niya sa harapan niya.

“Jake, hindi ko alam kung anong problema pero bigla niya na lang sinabing lumuhod ako kasama ni Adah. Si Adah lang naman ang nakasira roon sa vase. Jake, inosente ako. Hindi ko alam kung anong kasalanan ko. Help me please!” tapos ay dumikit pa ng tudo ang babae kay Jake.

Napansin ni Jake na nakatingin siya kaya bahagya nitong pinalis ang kamay ni Sofia. Saka lang humiwalay si Sofia.

“Grandma, kung ano man ang problema rito. Please, ako na lang ang kausapin niyo,” ani Jake sa Lola nito.

Samantalang siya ay dahan dahan na tumayo at hirap na hirap ang kalooban na tumalikod. Hindi niya alam kung ano ang susunod na pinag-usapan ng mga ito roon pero wala na siyang pakialam.

Gusto niyang lumayo sa mga ito. Ilang minuto mula ngayon ay maaring maiyak na siya.

Noon, si Jake ang ideal partner niya at pinangarap niyang pakasalan. Mabait, palangiti, madaling i-approach at pakiramdam niya'y sasaya siya sa piling nito.

Kaya lang ngayon tila nagkamali siya sa paghusga kay Jake. Dahil ang buhay na pinangarap niya noon ay malayong malayo sa buhay na mayroon siya ngayon.

Nagkulong siya sa silid. Umaasang darating si Jake upang kausapin siya. Pero hindi iyon nangyari.

Ilang saglit ay narinig niya ang pag-andar ng sasakyan. Nang tingnan niya sa bintana ay nakita niyang umibis doon si Jake at umalis.

Umalis itong mag-isa ng hindi siya kinukumusta. Dahan dahan siyang bumalik sa kama nilang mag-asawa. Hinintay niya hanggang gabi pero walang Jake na umuwi. Hindi niya alam kung hanggang saan niya kayang intindihin ang lahat kay Jake.

Naiyak siya habang nanatiling gising buong magdamag. Hindi siya makatulog.