Kabanata 5

Ubos na ubos na si Adah. Pakiramdam niya'y hindi niya na kayang huminga sa bahay na iyon kasama ang mga taong nandoon lamang para gamitin lang siya.

Nasa teresa siya habang pinagmamasdan ang kadiliman. Linggo ng gabi. Gusto niyang magsimba kanina at ipagdasal na karmahin ang dalawa. Kaya lang magkakasala lang siya kapag ginawa niya iyon. Hindi naman worth it iyon.

“Let's have a coffee,” aniya kay Jake nang makarating ito sa teresa ang lalaki.

May mesa doon at upuan. Ready na ang coffee ng lalaki at kaniya. Pumunta siya sa office ng lalaki at humingi siya ng kaunting oras para rito.

“Tinawag mo lang ako para rito?” natatawang saad ni Jake.

“What? May problema ba? Nakita ko wala ka nang gagawin. May problema ba kung humingi ako ng kaunting oras para makausap ka?” aniya sa kalmadong boses.

Natigilan ang lalaki at tinitigan siya saglit bago tumikhim. Napansin din nitong tila may kakaiba sa tuno ng boses niya.

“Fine. So what now?” umupo ito sa kabilang side ng mesa.

Sumimsim siya ng kape bago nagsalita.

“Nakausap ko ang attorney ng Papa ko.”

Kumunot ang noo ni Jake sa sinabi niya.

“What for?” anito at bakas ang pagtataka sa mga mata.

“For the annulment,” deretsahan niyang sabi.

Nagbitiw ng marahang tawa ang lalaki. “Sinong magpapa-annul? Kaibigan mo? Kakilala mo?”

“For us.”

Muntik nang maibuga ni Jake ang kape nang sabihin niya iyon. Namimilog ang mga matang bumaling ito sa kaniya.

“What the hell, Adah? Ano bang sinasabi mo?” bulalas nito sa pagkagulat.

“You should be happy, Jake. Effortless mong makukuha ang gusto mo.”

Alanganin ang tawang binitiwan nito. “Hindi ko alam ang sinasabi mo. Bakit ka nagkakaganito?”

Kumuyom ang kamao niya pero nandoon pa rin ang kalmadong awra nang tumayo siya.

“Bakit ako nagkakaganito? Kaya mong sagutin iyan, Jake,” aniya sa mahinahon na boses.

Akmang aalis na siya para magtungo sa silid nila pero hinawakan siya ng lalaki sa braso. Madiin iyon kaya't nagtagis ang bagang niya.

Galit na binalingan niya si Jake. “Bitiwan mo ako.”

“No, my Dad might—”

“Pagagalitan ka? Itatakwil ka?” dugtong niya sa sasabihin nito. Bakas ng panunuya ang ngisi niya sa lalaki habang nakatingin dito. “Sure! Asahan mo yun. Kaya lang wala na akong pakialam kung anong gawin nila sa'yo. Gaya ng kung papaanong wala ka ring pakialam sa mga nararamdaman ko.”

Winaksi niya ang kamay ni Jake at nagtungo sa silid upang magligpit na ng mga gamit niya. Aalis na siya. At nagkabangayan din sila ni Sofia sa loob ng silid.

Ayaw pa rin lagdaan ni Jake ang papel hanggang sa sala ay sinundan siya nito.

“Adah! Hindi ka aalis!” bulyaw nito sa kaniya.

Binalingan niya ito ngunit sa pagkakataong iyon ay namamasa na ang mga mata niya.

“Huwag na huwag mo akong utusan, Jake,” mariing wika niya rito.

“Jake, hayaan mo na siya. Desisyon niya naman 'yan. Tsaka, perfect timing! Makipag-annul ka na sa kaniya,” sulsol naman ni Sofia sa gilid.

Nagtagis ang bagang niya sa mga narinig. Gustong gusto niya nang sikmuraan ang dalawang to dahil sa galit. Kung kaya niya lang sana.

“Good evening sa lahat.”

Natigilan silang tatlo nang may magsalita sa bungad ng mansyon. Nang lingunin nila ay isang lalaking nasa edad 50 ang nandoon. Naka-suit and tie at may dalang attached case.

“Ako ang personal na abugado ni Madam Adah. Nandito ako ngayon para maging witness sa ano mang mapagkakasunduan ngayong gabi,” pormal na pakilala ng lalaki. “Bitiwan mo siya Mr. Clinton kung ayaw mong makasuhan ngayon for Slight Physical Injuries under Article 266 of the Revised Penal Code. Hinahawakan mo siya ng labag sa kalooban niya. Pwede kong dagdagan pa ang kaso mo kapag nagmatigas ka pa!”

Bakas ang awtoridad sa mukha ng matapang na abugado ng kaniyang ama. Ito ang isa sa pinakamalapit na tao sa buhay niya. Para niya na rin itong ama matapos mamatay ang kaniyang pamilya ilang taon na ang nakararaan.

Ngali ngali na binitiwan siya ni Jake. Naramdaman niya ang pananakit ng kaniyang braso matapos makawala sa hawak nito.

“Gusto ni Madam Adah na permahan mo ang annulment. Kaya permahan mo na, Mr. Jake Clinton at huwag mo nang pahabain pa ito,” patuloy ng abugado.

“Papaano kung ayoko?!” pagmamatigas ni Jake.

Ngumiti ang abugado. “This evidence here is enough para makulong ka Mr. Jake Clinton. Under Article 334 of the Revised Penal Code Concubinage. The worst is nasa iisang bubong kayo ng legal wife mo at mistress mo which is isa rin sa matibay na katibayan at pwedeng gamitin laban sa'yo kapag di ka pumerma sa annulment.”

Inilatag lahat ng abugado ang mga screenshots ng mga conversation ni Jake at Sofia. Lahat ng iyon ay kinuhanan ni Adah at pinasa sa phone niya.

Pagkatapos ay pinasa niya sa abugado niya. Iyon ay isa sa matibay na pruweba laban kay Jake. Naghanda si Adah para sa pagkakataong ito.

“Pwedeng mag-apila ang kliyente ko sa korte kapag nagmatigas ka pa at hindi mo pinermahan ang annulment,” patuloy ng abugado. Ilang saglit ay kinuha ng abugado ang cellphone at kinuhanan ng picture ang pasa ni Adah sa braso kung saan hinawakan ni Jake kanina si Adah.

Nagtagis ang bagang ni Jake sa ginawa ng abugado. Ngumiti ang abugado at tinaas ang phone.

“Pwede ko rin itong gamitin na pruweba para palabasin na bayolente ka kaya gustong makipagkalas ni Madam Adah sa'yo. Sa pagkakataong ito ay wala ka nang magagawa,” patuloy ng abugado.

Maging si Sofia ay hindi na nakapagsalita. Isa si Mr. Amorozo sa pinakamagaling na abugado ng ama ni Adah. Kaya ito ang pinagkakatiwalaan ng kaniyang ama noong nabubuhay pa ito. At isa pa'y matalik itong kaibigan ng kaniyang ama.

Inilapag ni Mr. Amorozo ang annulment paper pati ballpen.

“Ngayon, Mr. Clinton. Pumerma ka na upang matapos na tayo,” ani Mr. Amorozo.

Kuyom ang kamao ni Jake. Wala na itong choice kundi ang kunin na lamang ang ballpen at annulment papers para lagdaan.

Matapos ang lahat ay ngumiti si Mr. Amorozo at tiningnan si Jake at Sofia.

“Malaya na kayong dalawa at malaya na rin si Adah mula sa pambababoy niyong dalawa. Magandang gabi sa inyo,” ani abugado at binalingan si Adah.

Umiiyak si Adah nang ngumiti kay Mr. Amorozo. Sumunod siya sa abugado paalis dala ang bag niya. Mabigat sa pakiramdam ngunit ayos lang dahil tiyak niya ang kalayaan niya.