0007

Kinagabihan sa Red Veil…

“Hanggang kailan ka rito?” tanong ni Vito kay Mathias. 

“Bukas sa California na ako,” tugon ni Mathias pagkatapos basahin ang message na huling pumasok sa inbox niya. “Magkikita kami ni Austin.”

“Kailan pala bumalik ng California si Austin?” tanong ni Vito. Curious sa kaibigan nilang bihira lang magparamdam sa kanila habang ang mga mata ay nakatingin sa mga babaeng nagsasayaw sa dance floor. 

“Two months, I heard…” ani Mathias at tumawa ng mahina. “Mukhang in love na ulit.”

“For real?” tanong ni Vito sabay inom ng bottled beer na hawak. “At saan mo naman nasagap ‘yan?”

“Not something to share…” ani Mathias na napakunot-noo dahil nakita si Cassian na papalapit sa kanila. “Akala ko ba hindi ito pupunta ngayong gabi rito sa club mo?” tanong niya kay Vito na ang tinutukoy ay si Cassian na nang makita sila ay lumakad na palapit. 

“I invited Lauren,” nakangising tugon ni Vito. “At s’yempre sinabi ko d’yan kay Cassian. Just to prove a point na may laban pa ako sa pustahan natin. Naguguluhan lang ‘yan at tama ako, ‘di ba? Hindi pa rin nakatiis nang malaman niyang parating si Lauren kaya narito na agad.”

“Okay…” Mathias grinned. Sa bagay na iyon ay hahayaan niya muna si Vito sa hallucination nito na may pag-asa pa itong manalo laban sa kaniya. Alam niyang si Ember na ang gusto ni Cassian at hindi mahirap makita iyon. Kung totoong walang nararamdaman si Cassian sa asawa nito ay dapat hindi nito dinidibdib ang divorce na gusto ni Ember, sana masaya na ito.

“Bud,” ani Vito kay Cassian nang naupo na ito sa tabi ni Mathias. “Mabuti dumating ka. Parating na rin si Lauren.”

Tumango lang si Cassian at tiningnan ang phone nang may message na naman pumasok mula sa bangko niya. Kanina pa may mga messages at puro sa pagsa-shopping ng asawa niya gamit ang card na bigay niya. 

Isa-swipe na niya sana ang message na bagong pasok nang matigilan siya. Binasa niya ang message at lumalim ang kunot-noo niya at napatingin kay Vito. “May mga male escort ka sa club na ito?” tanong niya sa kaibigan. Ang huling pumasok na message ay ang bayad sa pagbo-book ni Ember sa twelve na lalaki ng Red Veil. 

“Anong male escorts?” natawang pagkaklaro ni Vito. “Mga male models ang meron ako rito, not escorts. They are only open to entertain, pero s’yempre kung may gustong magbayad sa kanila ay labas na ako roon. Hindi ko pa pinapasok ang prostitusyon na negosyo.”

“Naka-open ba ang mga male models mo sa booking?” tanong ni Cassian. 

“What’s this?” takang tanong ni Vito. Napangiwi. “Bakla ka na ba?” 

“Naka-open ba sila sa booking?” ulit ni Cassian. Mabuti na lang at Tagalog ang pagkakatanong sa kaniya ni Vito kung bakla na ba siya kaya hindi naintindihan ng mga New Yorkers na kasama nila sa table kung hindi ay baka tamaan ito sa kaniya at ma-headlines bukas na isang movie director, nabugbog sa sariling club nito.

“Oo. Pero sabi ko nga hanggang entertain lang sila… pasayaw-sayaw, pahawak-hawak… depende sa trip nila pero hanggang doon lang. Kapag ibang usapan na ay dapat labas na sila rito.”

“Okay.” Tumango-tango na sabi ni Cassian. Muling tiningnan ang phone at napangiti. “Then Ember will be here any minute…” bulong ni Cassian at napatingin sa entrada. Nag-abang sa pagdating ng asawa. 

Ilang minuto na ang lumipas ay wala pa ring Ember na nagpapakita. Hindi na nakatiis si Cassian at tinawagan ito. Kanina pa siya nagtatanong kung saan ito para puntahan niya sana pero kahit isang message niya ay hindi nito sinagot. 

Again, in two rings, Ember declined his call. Sa galit ni Cassian ay kinuha niya ang phone ni Mathias para gamitin pantawag kay Ember. Isang ring pa lang ay sinagot nito ang tawag. 

“Hello…” malambing na wika ni Ember. Nai-imagine ni Cassian na nakangiti ang asawa at nakalabas ang mga braces.

“Ember…” inis na wika ni Cassian. “Nasaan ka? At anong pagbo-book itong ginawa mo para sa twelve na male models?”

Katahimikan ang sumunod. Akala ni Cassian ay papatayan na siya ni Ember nang phone nang magsalita ito. 

“Ikaw pala ‘yan…” maasim na wika ni Ember. Nakasimangot dahil excited pa siya sumagot sa akalang ang tumawag ay ang kausap niyang abogado para sana sa pag-ayos ng divorce nila ni Cassian. 

“Anong kalokohan pinaggagawa mo sa pera ko?” seryosong tanong ni Cassian para hindi mahimigan ni Ember na nag-aalala siya sa mga plano nito. Paano kung sa pagkadesperada nito sa hiwalayan nila ay maisip pumatol kung kani-kanino? 

“I want them to entertain me, ex dearie…” tinatamad ang toning wika ni Ember. “At wala naman sigurong masama kung maghahanap ako ng kaligayahan paminsan-minsan, ‘di ba?” Natawang tanong ni Ember kay Cassian kasunod. Sa isip ni Ember ay tama pala si Sienna na mag-enjoy siya at kanina pa talaga siya natutuwa sa kakagastos ng pera ng asawa. Kung dati ay alanganin siyang gumasta dahil parang pinatunayan niyang kaugali siya ng mama niya at ni Lauren, ngayon ay tuwang-tuwa na siya. 

“Pera ko ang ginagasta mo, Ember!” malakas na wika ni Cassian dahil nabibingi na siya sa malakas na tugtog sa club. 

“Wait!” Natawa ng malakas si Ember. “As I remember, you gave me this card a month after you woke up from your deep slumber, sleeping beauty!” pang-asar na wika ni Ember. “At ang sabi mo ay ako na ang bahala sa perang narito sa card basta huwag lang kita iistorbohin. And for the last two years hindi ko ginastos ang laman ng ‘regalo’ mong card. So, kung ngayon ko gagastusin ay ano rin sa ‘yo? This is mine, Cassian Montgomery Syquia. Mine!” 

Pinutol na ni Ember ang usapan nila at ibinalik ang phone sa clutch bag. Nang may maalala ay kinuhang muli ang phone at in-open ang messaging app para makapag-record ng voice message. Natigilan pa siya sa huling message na naroon sa app na nakita. Iyon ang pagsabi niyang ready na ang lahat para sa birthday celebration ni Cassian last night. Birthday celebration na hindi natuloy kasi sinira nina Lauren at mama niya ang lahat ng plano niya kagabi. 

Anyway, tama lang din na sinira ng mga kontrabida ang lahat kagabi dahil kung hindi ay baka hanggang ngayon ay tanga pa rin siyang aasa na may kahihinatnan ang mga effort niya sa asawang wala naman pakialam sa kaniya. 

Nakaismid na sinimulan ni Ember ang voice message… 

“Kahit pa sabihin na hindi totoong impotent ka na dahil sa pagka-coma, Cassian… I would still consider having my first time with any male models na magugustuhan ko sa Red Veil. And you don’t need to worry…may taste naman ako. Tandaan mo, hindi lang ikaw ang may magandang katawan, matangkad, at may guwapong mukha sa mundo, Cassian. Marami. And if you are going to flaunt your money. Well… hindi ko kailangan ang pera. Mas kailangan ko lalaking kaya akong paligayahin sa kama na hindi mo kayang gawin dahil exclusive ka sa malanding kapatid ko. Byiee…”