CHAPTER 3

NEW FRIEND

MAAGA pa lamang ay sinundo na agad si Victoria ng kanyang Lolo Fernan. Mainit na rin nang makarating sila Victoria at ang kanyang Lolo sa City. 

Sobrang namangha si Victoria sa dami ng body guard ng Lolo nito, hindi pa rin ito sanay sa ganitong set up. Hindi pa rin niya lubos maisip ang nagaganap na pagbabago sa kanyang buhay.

Halos mapanganga siya at ngayon lang nito napagmasdan ang mala palasyong bahay ng kanyang lolo. 

Noon, pangarap lang niya ang ganitong buhay, ngunit ngayon abot kamay na niya. Hindi niya alam na mangyayare ito sa kanya, akala nito sa pelikula lang mangyayare ang mga ganitong eksena, pati rin pala sa kanya.

"Apo, I have to go, may meeting pa ang lolo sa office, bukas tayo magba-bonding ha," sabi naman ng kanyang lolo

Tumango lang ito at niyakap ng kanyang Lolo at umalis na.

Naiwan naman ito sa bahay. Naglibot libot ito sa may harden na napaka lawak at may makukulay na mga bulaklak. 

"Ai ma'am andito na po pala kayo, pasensya na hindi ko po kayo napansin agad," sabi ng isang lalaki na kasing edad din nito na may hawak pang host ng tubig at kakatapos lang magdilig.

"Hi, I'm Victoria, ikaw po?" tanong niya rito.

"Zimon at your service ma'am Victoria," wika nito at nag bow pa.

"Nice to meet you," wika naman ni Victoria rito.

"Nice to meet you too ma'am, ano po ba ang gusto ninyong gawin? Inihabilin po kayo sa akin ni Senior Fernan, kaya ako pong bahala sa inyo," magiliw nitong sabi

"Pwede mo ba akong ilibot sa lugar na ito?" wika naman nito

"Oo naman ma'am gusto ninyo po pati sa mini farm po ninyo eh," sagot naman ni Zimon

"Oriang nalang itawag mo sa akin, kapag ma'am para akong titser eh," biro dito ni Victoria.

"Oriang? Diba po Victoria ang pangalan ninyo?" sambit nito

"Iyon lang 'yong palayaw ko sa amin," wika naman niya rito. 

"Ah ang cute po, Oriang," sabi nito at sinamahan na nga siya nito mag tour sa bahay. 

Matapos noon ay sa mini farm naman sila pumunta.

"Grabe! Mini pa ito sa lagay na ito? Eh kasing laki na ito nang sinasaka namin sa bundok e, napaka lawak grabe," manghang sambit ni Victoria. 

"Ang daming tanim na pinya, mais at kung ano pang gulay, may mga baka rin at kabayo at iba pang mga hayop, wow!" wika muli ni Victoria at halata ang pagkamangha sa mukha nito.

Habang naglilibot sila ay nakarinig silang isang sigaw.

"Yah hiyah"

Napatabi nalang sila ni Zimon nang makita ang paparating na kabayo sakay ang isang lalaki. Siya 'yong pinsan ni Victoria.

"Miss Oriang nagkakilala na po ba kayo ni Sir Ibarro?" wika ni Zimon.

"Ibarro sino 'yon?" wika naman nito kay Zimon.

"Iyong kakadaan lang po sakay nang kabayo," sambit nito.

"Ah 'yong pinsan ko, Ibarro pala ang pangalan niya, nakilala ko na siya pero 'yong pangalan sa iyo ko palang nalaman, parang ang sungit niya ano?" sabi nitong muli.

"Ganyan po talaga si Señorito, tahimik lang lagi, akala mo dala ang mundo," sambit ni Zimon

"Mukha nga," maikling sagot nito

"Eh 'yong babae naman? Anong pangalan niya?" tanong nitong muli kay Zimon

"Ah 'yon po si ma'am Zyrus, maldita po ng konti haha, maarte ganuon, sana magkasundo po kayo,  good luck nalang Miss Oriang," sabi nito.

"Ewan ko nalang kung magka sundo kaming tatlo," natatawang sambit nito

"Yah! If I told you to stop then stop!" narinig nilang sigaw nito habang nagki-kwentuhan sila ni Zimon.

Nagulat ang mga ito nang pinagpapalo niya ang kabayo ng lubid nito.

Lumapit si Zimon para pigilan si Ibarro sa pagmamalupit niya sa kabayo.

"Don't touch me!" sambit ni Ibarro kay Zimon at tinulak pa ito, mababakas ang galit sa mukha nito. 

Agad napatakbo si Victoria sa kinaroroonan ni Zimon at tinulongan itong makatayo.

"Anong problema Ibarro?" malumanay na tanong ni Victoria. Hindi ito sumasabay sa galit nito. Dahil ang turo sa kanya ng kanyang Ina, kapag galit ang isang tao, huwag mong sabayan bagkus iyo itong intindihin, so iyon ang kanyang ginawa.

"What do you care? Eh sampid ka lang dito," sambit nito atsaka nag walk out  

"Gigil mo si ako, batukan kita diyan eh, ikaw na nga iniintindi ikaw pa ganyan, naku talaga naman," sambit ni Victoria 

"Hayaan mo na miss Oriang mukhang badtrip," sabi ni Zimon na hawak hawak ang kanyang siko.

"Hala may dugo! Gamutin natin," sabi nito kay Zimon at agad na silang bumalik sa bahay upang maghanap ng medical kit. Para malinis ang sugat ni Zimon.

"Ewan ko, kapag nandito ako sa lugar na ito tiklop ako eh, kasi sa amin walang nakakaganuon sa akin. Siga ako roon eh. Maybe nag a-adjust pa ako, atsaka ayaw ko rin makaaway 'yong mga pinsan ko. Gusto ko pa nga maka close sila eh. Kahit mukhang impossible," sa isipan ni Victoria

"Salamat Miss Oriang, ngayon lang sakin may gumamot ng sugat, napaka swerte ko naman at ikaw pa gumamot," sabi nito.

"Swerte agad haha, buti galos lang din 'yong iba, sabi na eh parang may mga something 'yong mga pinsan ko," binulong niya 'yong pahuli baka may makarinig. At nagtawanan lamang ang dalawa.

Matapos niyang gamutin ang sugat ni Zimon bumalik na muli sila sa farm. Medyo malapit lang naman ito at tinuruan siya nitong sumakay sa kabayo. Sa una natatakot ito ngunit noong pahuli ay ayos naman na, inenjoy lang nila ang pagsakay sa kabayo. 

Ngayon, tig-isang kabayo na sila ni Zimon na sinasakyan..

Nagkwentuhan lang sila buong maghapon, nakatagpo ito ng makakausap kahit papaano kapag nandito siya. 

Isa si Zimon sa hardenero ng pamilya nina Senior Fernan. At sa farm ng Lolo ni Victoria nagta-trabaho ang mga magulang nito. Tuwing weekend, siya ang nag a-ayos sa garden nina Senior Fernan at tumutulong din sa farm. At tuwing weekdays naman ay ang kanyang mga magulang.

"Bye Miss Oriang, salamat ulit ha, kailangan ko nang umuwi at mag re-review pa ako e," paalam sa kanya ni Zimon.

Pinagmamasdan lamang ni Victoria ang kanyang bagong kaibigan na naglalakad na palayo. Matangkad ito sa kanya, moreno pero may kacute-tan ding taglay parang si Seb,  maputi lang si Seb. Bigla niya tuloy na-miss ito.

Kumakaway lamang si Zimon habang papalayo at ganuon din ang ginawa ni Victoria.

Masaya ito at may bago siyang nakilala dito sa bagong mundo niyang ginagalawan.

Ang tanging hiling lang niya ay sana lang maging maayos ang lahat.