PAGPASOK ni Jewel sa malawak na lawn, kitang-kita niya ang inang si Sonia na kasalukuyang nakahiga sa lounge chair malapit sa kanilang swimming pool. Nakasuot ito ng swimming suit at umuusok ang bibig na parang tambutso ng sasakyan. Nakita niyang pinitik nito ang sigarilyo at inapakan.
Huminga nang malalim si Jewel bago nagpatuloy sa paglakad. Tinunton ang daan patungo sa kinaroroonan ng ina.
“Good morning, Ma.” Umakmang hahagkan niya sa pisngi ang ina, subalit mabilis na umiwas ito.
“Morning,” ang matabang ding tugon ni Sonia. Ni hindi nag-abalang tanungin si Jewel kung saang lupalop ba nagpalipas ng magdamag ang dalaga.
“Ma…” anas niya. Napalunok siya at napakagat-labi. Hindi pa rin kasi siya nasanay sa pambabalewala na natamo buhat sa ina. Hindi ito umimik, nag-angat lang ng mukha upang salubungin ang sinag ng araw. “H-hindi po ako natulog dito kagabi. Inimbita kasi ako ng kaibigan ko sa kaarawan niya.”
Nagbaba ito ng mukha. “O, e, ano naman sa ‘kin? Kahit naman saan ka pumunta ay wala akong pakialam at wala akong planong pakialaman ang anumang aktibidades mo.”
Daig pa niyang sinampal sa tinurang ‘yon ng ina.
Pero muli’t muli, nakalaan siyang magtiis, magdusa. Magtimpi at ipunin ang lahat ng sama ng loob sa ina–and if the right comes, sa sandaling magkaroon katuparan ang kanyang mga dasal, mararanasan niya rin kung paano mahalin ng isang ina. At isa-isang kalilimutan ang lahat ng sakit sa kalooban.
“H-hindi po ba kayo nag-alala sa ‘kin?” Umasa pa rin siya kahit paano na mahalaga siya rito.
“Come on, Jewel. Gusto kong mapag-isa. Wala akong panahon para pakinggang ang mga drama mo.” Tumayo ito at lumipat sa kabilang bahagi ng swimming pool.
Tuluyan nang bumagsak ang luha sa mga mata niya sa narinig na tinuran nito. Labis siyang nasaktan. Araw-araw niya iyong nararamdaman pero hindi pa rin siya sumusuko na kunin ang atensyon ng ina.
Parang may hila-hilang mabigat na bakal ang mga paa ni Jewel na umalis ng swimming pool.
Sa pagsisimula pa lang na sumibol ang kamalayan sa isipan niya, nang marunong na siyang dumama, makaramdam ng mga pag-aalaga, pagmamahal at kalinga buhat sa magulang. Kay Cesar na kanyang ama at inang si Sonia, napakarami nang katanungang naglalaro sa kanyang murang isipan.
Ni minsan ay walang matandaan si Jewel na kinalong siya ng ina tulad ng ginagawa nito sa kanyang Ate Vivian. Ni hindi niya naranasan ang madampian ng halik nito. Sa tuwing mamamasyal sila, ang papa niya lang ang kumakalinga sa kanya. Maglalambing siya at uungot na kargahin ng ina, subalit aangilan lang siya nito o kaya ay kukurutin sa singit at saka pasigaw na tatawagin ang kanya ama upang kuhanin siya.
Sa mga pagkakataong dumarating ang mga magulang niya buhat sa opisina, halos magkumahog siyang kunin ang tsinelas ng mga ito. Pero ang napapala niya ay ang palihim nitong matalim na tingin sa kanya kapag nakatalikod ang ama.
“Go away! Let Vivian do that for me. Si Vivian lang ang aking binibigyan ng karapatang gawin sa akin ang mga bagay na ‘yan!” asik ni Sonia sa hindi nakahumang si Jewel.
Lalapit naman si Vivian, may pilyang ngiti sa mga labi. Mang-iinis at iinggitin si Jewel, saka pahablot na kukunin ang paboritong tsinelas ng ina.
“Spell, KSP?” Bibilatan siya ng Ate Vivian niya. “Masyado ka kasing kulang sa pansin, Jewel.”
“Gusto ko lang naman–”
“Tumahimik ka!” babala sa kanya ng ina na ikinatahimik naman niya.
“Mama, nakikipag-unahan pa ‘yan sa ‘kin,” sabi ni Vivian sa himig nagsusumbong sa ina. Umupo ito at isinuot ang tsinelas sa mga paa ni Sonia.
“Don’t mind her, sweetheart. I have brought something for you.”
“Really, Mama?” Mabilis na tumayo si Vivian at tuwang-tuwang mabilis na nagpakandong sa ina. “What is it, Mama?”
“Here, dyaran. . .” Nakangiting inilabas ni Sonia ang laman ng malaking shopping bag. Isa iyong talking doll na ubod ng ganda.
Laruang napakatagal na panahong kinasabikan ni Jewel na sana ay magkaroon siya.
“Wow, ang ganda! Thank you, Mama.” Si Vivian na agad pupupugin ng halik sa pisngi ang ina.
“Bukas, ibibili naman kita ng mga magagandang bestida at sapatos.”
“Talaga po? Pero gusto ko po ng walking doll.”
“Whatever you want, I’ll buy it.”
“Yippee!”
“M-Mama. . .” si Jewel, palibhasa, bata pa sa edad na anim, kaya’t hindi pa gaanong marunong magtanim ng sama ng loob.
“Bakit?” asik ni Sonia. Inaayos ang ilang hibla ng buhok ni Vivian na noon ay edad siyam. Tatlong taon ang age gap ng magkapatid.
“Gusto ko rin po ng doll,” ungot ni Jewel sa ina.
“Gusto mo pala, bakit hindi ka magpabili sa Papa mo?” sarkastiko nitong turan.
“Ma, ibili mo rin po ako katulad ng doll ni Ate,” hirit pa niya. Nakita niyang dinilaan siya ng nang-aasar na si Vivian. Iniinggit siya sa hawak nitong talking doll.
“Puwede ba? Umalis ka sa harapan namin ng anak ko, Jewel. Baka samain ka sa ‘kin kapag ako nainis.”
“P-pero, Ma–”
“Sinabi nang–” ang galit na turan ni Sonia na sinundang mag-angat ng kanang palad upang sa hindi rin mabilang na pagkakataon, sumayad sa murang katawan ni Jewel. Napaurong sa takot ang bata.
“Sonia!” Ang tinig ni Cesar.
“O, ano?” Tumayo ito at hinawakan sa kamay si Vivian. “Pagsabihan mo ‘yang anak mo, Cesar. Ayoko nang sinasalubong ang pagod. Nakakairita!”
“Pero hindi mo dapat sinasaktan si Jewel. Huwag mong sagarin ang pasensya ko, Sonia!” Hinarap ni Cesar ang anak. Awang-awa na kinarga nito ang bunso. “Halika, samahan mo ako sa komedor. Gusto mo ba ng donut, anak?”
“O-opo, Papa,” umiiyak na tugon niya sa ama. Kahit ang totoo’y nais niya ring magkaroon ng laruan.
Karga siya ng ama na umalis ng sala at tumuloy sa komedor.
“Papa, hindi po ba ako mahal ni Mama?” halos paulit-ulit lang din niyang tinatanong iyon sa ama.
“Of course not, darling. Mahal ka ng iyong ina. Pagod lang siya,” pagtatakip ni Cesar sa anak. Nagtatagis ang mga bagang nito.
“Pero bakit kay Ate Vivian, hindi siya pagod. Hindi siya galit. Tapos h********n pa niya. Bakit ako hindi, Papa?”
Hindi na iyon nagawa pang lapatan ng kasagutan ni Cesar. Lubhang napakahirap para ipaliwanag ang katotohanan sa murang isipan ng anak na si Jewel. Kung ganoon nga lamang kadaling gawin ang lahat, ginawa na sana nito.
“M-mahal ka ng iyong ina, anak. Mahal na mahal. At iyon ang lagi mong iisipin, ha?”
Tumatango naman ang batang si Jewel.
“MAHAL”–ang katagang ito kailanman ay hindi maramdaman ni Jewel sa kanyang kaibuturan. Nag-iisang salita, subalit lubhang napakahirap sa ina na ipadama sa kanya, subalit hindi kay Vivian. Sa musmos niyang edad, ramdam niyang magkaiba ang tingin nito sa kanilang magkapatid. Kahit na anong paraan ay ginawa na niya maramdaman lang na mahal siya ng ina. Jewel studied hard because she wanted her mother to be proud of her. At kahit na halos lahat ng medalya sa baytang ay iakyat niya sa tahanan nila, balewala ‘yon sa ina. Samantalang si Vivian na makailang ulit bumalik ng high school, wala siyang narinig mula sa ina. “Hindi ko kailangan ang mga medalyang ito!” Binato ni Sonia kay Jewel ang medalya. “Kahit na ano'ng gawin mo, hindi mabubura ang katotohanan na isa kang pagkakamali.” Pagkakamali? Naisip niya noon na baka isang pagkakamali nang siya ay isilang nito. Sana nga ay hindi na. . . kung ganito lang din naman ang pakikitungo nito sa kanya. Ni minsan, hindi siya nito pinagmalaki sa
NANG pumailanlang ang sweet music, kinabig siya ni Tristan. Uminit ang mukha niya nang mapasandal sa dibdib ng binata. Naririnig niya ang mabilis na tibok ng puso nito.“Paniwalaan mo kaya ang sasabihin ko sa ‘yo, Jewel?”Nag-angat siya ng mukha. Nakita niya ang paggalaw ng adam’s apple nito.“A-ano ba ang sasabihin mo?”“Gusto kita, Jewel,” pag-amin nito.Totoo ba ang narinig niya?Baka naman ilusyon pag-ibig niya lang ‘yon?“T-totoo ba ang sinasabi mo, Tristan?”“Yes. Gusto kita, Jewel. M-mahal na nga yata kita.” Tila iyon isang tape recorder na panay rewind sa utak niya. Naramdaman niyang masuyo nitong hinahaplos ang kanyang buhok sa likuran.To the highest level ang kaligayahang nadama niya sa gabing iyon. Ika nga, walang katumbas. Kaligayahang pinutol ng galit na galit na tinig ng kanyang ina na biglang lumitaw sa gitna ng malawak na lawn.Nabitawan siya ni Tristan nang biglang may humalbot sa buhok niya mula sa kanyang likuran. Nasaktan siya. Pakiramdam niya ay matatanggal ang k
NAILIBING si Cesar pagkaraan ng apat na araw. At sa pagpanaw nito, pakiramdam ni Jewel, lalo siyang nag-isa sa mundo. Naulila. May ina pa, subalit hindi naman ganap na maangking ina. Dahil kahit pumanaw na ang kanyang ama, hindi pa rin nagbago ang pakikitungo sa kanya ni Mama Sonia. Hindi pa rin niya maramdaman ang pagmamahal nito na kay tagal niya nang inaasam-asam. May kapatid, subalit napakalayo ng kalooban nito sa kanya. At dahil doon, nais na rin hilingin ni Jewel na sana’y tulad ng kanyang ama, namatay na rin siya. Ano pa’t nabuhay siya sa mundo kung puro paghihirap at pasakit lang ng kanyang kalooban ang nadarama. Isang mapagpalang kamay ang naramdaman nang nagdadalamhati na si Jewel. Napatingin siya sa kamay na nakadantay sa kanyang balikat. “Gabi na, Jewel, oras na para umuwi ka.” “Yaya Lourdes,” usal niya nang mag-angat siya ng mukha. Ang butihing matanda na nag-aruga, at nagmahal sa kanya. “Tama na ang pag-iyak. Baka makasama sa ‘yo. Halos buong burol ng iyong Papa, um
MULING isinara ni Vivian ang pinto ng library kaya naman tumama ang wine glass sa pinto. "Ma!” ani Vivian nang muling buksan ang pinto at pumasok ng library. “Muntik na akong tamaan ng pinalipad mong wine glass.” “I’m sorry.” Nasapo ni Sonia ang sariling noo. “Nakakainit kasi ng ulo ang ginawa ng iyong ama!” “Speaking of him, nabanggit niya sa testamento na may kapatid siya. Bakit hindi niya nababanggit sa ‘tin?” Umupo ang dalaga sa silya. “I don’t know. Iyon nga rin ang ipinagtataka ko. Wala siyang nabanggit sa ‘kin tungkol sa kapatid niya at sa mga naiwang ari-arian ng kanilang pamilya.” Marahas na umupo sa ottoman chair si Sonia. “Inaasahan ko na sa akin o sa ‘yo mapupunta ang kumpanya. At ang nakakainis pa ay iba ang inihalili niya sa posisyong Director. Matagal ko nang inaasam ang posisyong ‘yon.” “Ma, anak ba talaga ako ni Papa?” seryoso ang mukhang tanong ni Vivian. Natigilan naman si Sonia. Hindi magawang salubungin ang mga mata ng anak. “O-oo naman.” “E, bakit gano’n?
NAGSIMULANG kumain si Sonia. Kapuna-puna namang kung anu-ano ang hinihingi ni Vivian na lalong ikinataranta ni Jewel. At nang halos ay sabay pang natapos ang dalawa kumain, muli siyang tinapunan ng maawtoridad na tingin ng ina. “As what I’ve said, titigil ka na sa pag-aaral mo. Wala na si Yaya Lourdes at Pacing. Ikaw na simula ngayon ang gagawa sa lahat ng gawaing bahay pati ang pagluluto.” “Pero, Ma!” tutol niya. Uminit ang sulok ng kanyang mga mata, nagbabadyang lumuha. “Hindi pa tapos ang aking sinasabi kaya ‘wag kang sumabat, Jewel!” Nanlilisik ang mga ni Sonia. Kagat-labi siyang natahimik. At walang nagawa kung hindi ang humanda sa iba pang sasabihin ng ina. “Wala na akong ipapasahod pa sa kanila. Isa pa, hindi naman na kayo alagain pa ni Vivian. Kaya nagdesisyon ako at ‘yon ay final. Titigil ka sa pag-aaral at magsisilbi sa amin ng anak ko. Wala na rin akong sapat na pera para matustusan ang pag-aaral mo.” “Ma, first year college pa lang po ako at magsisimula pa lang. Ayo
NAISIP niya, mas mahalaga kay Vivian ang career bilang modelo kaya hindi nito mabibigyan ng apo ang ina nila. “P-pero, Ma…” ang layon niya ang magprotesta. It’s unfair! Napakabigat naman yatang kasunduan niyon kapalit ng hinihingi niya at inililimos na pagmamahal mula sa ina. “Hindi mo kayang gawin? Pwes, wala kang aasahan sa akin!” asik ni Sonia na nagmumura pang tinalikuran siya. Iniwan siyang tigagal at hindi makahuma. Ganoon ba kababa ang tingin ng ina sa kanya para gawin ang hinihiling nito? Nagtatalo sa isip kung pagbibigyan ang ina o hindi sa kagustuhan nitong gawin niya kapalit ng inaamot niya buhat dito. Bakit ba napakahirap para sa ina ang mahalin siya? Ang sakit-sakit namang kahilingan niyon. Lalo na’t wala naman siyang nobyo. Kanino siya pasisiping? Sinong matinong lalaki ang bubuntisin siya, mabigyang kasiyahan lamang ang ina? Mabilis na pinahid ni Jewel ang luhaang mga mata sa pagsigid ng mapait na alaalang iyon sa kanyang gising na diwa. Doon natapos ang pagbaba
MALALIM siyang humugot ng paghinga bago marahang tumango. “Yes, you’re right. Kailangan ko talaga ng tulong mo.” “Ows?” “Very badly…” Mixed emotions ang nabasa niyang bumadha sa mukha ni Rochelle, matapos na sa pahikbi-hikbing paraan ay isatinig niya rito kung bakit naroon siya at kailangang-kailangan ang tulong nito. “Tsk! Kahit kailan talaga, shit sa akin ‘yang kapatid mo!” pagigil nitong sabi. “At pati na rin ang ‘yong ina! Hanggang ngayon pala, wala pa ring mabango sa kanya kung hindi ang paborito at pinakamamahal niyang anak! Paano nila naatim na gawin kang katulong? Kung bakit naman kasi nagtitiis ka pa? Napakamasunurin mong anak na ewan! Mabuti na lang at natuloy ang pag-aaral mo." “Pinilit ko kahit napakahirap, dahil para akong salarin na nagtatago kay Mama. Ayokong malaman nilang palihim akong nag-aaral kapag wala sila sa bahay. Isang taon na lang at ga-gradweyt na ako. Pangako, tutulungan kita, Rochelle. Aalisin kita sa lugar na ito. Konting tiis na lang.” “Naku, ‘wag
HINILA siya palabas ni Rochelle sa pinagtatrabahuan nito. “Anybody, mga past costumer mo, will do for me. Huwag lang ang bouncer security ng bar na ito,” pilit ni Jewel sa kaibigan. Matagal na hindi kumibo si Rochelle. Mataman siya nitong tinitigan sa mga mata. Na wari bang binabasa ang kalooban niya. “Ikaw ba’y sigurado sa gusto mong mangyari?” Tumikhim siya upang alisin ang kung ano mang bumara sa lalamunan niya bago sumagot. “Yes, hundred percent sure ako. Hindi na magbabago ang aking pasya.” “Sa gagawin mo, sinasabi ko sa ‘yo, you have to be strong. To be brave. Ibig ko sabihin, ‘yong consequences. B-baka umasa ka pagkatapos ng ‘laro’ na gusto mong mangyari, maglumuhod sa ‘yo ang lalaki para pakasalan ka.” Para siyang ngumuya ng ampalaya sa pait ng ngiting bumalatay sa labi niya. Ngunit pilit na ikinukubli ang pait na nararamdaman. “Ang mga lalaki ay hindi ganoon, alam ko.” “Absolutely. At hindi ang lalaking nasa isip ko na siyang makakasiping mo, Jewel.” Biglang lumiwanag