Kabanata 22

HEAVEN BAR & RESTAURANT

“She’s a virgin?” halos panabay na sambit ng lima niyang kaibigan. Nagpasya na rin si Red sabihin sa mga ito ang bumabagabag sa kanya.

“Hindi ako makapaniwala sa sinasabi mo, Red!” si Akio. Sa kalituhan, walang maapuhap isipin. Ito kasi ang tumawag sa apat na kaibigan para pag-usapan ang gagawin nilang gimmick sa shower party ni Red noong gabing iyon. “Nalilito talaga ako.”

“Pero ‘yon ang totoo. Birhen ang babaeng nasa loob ng malaking kahon. Kaya nga gusto ko siya muling makita at makausap para magkaroon ng solusyon ang lahat. Hindi ako matahimik. Hindi magkakaroon ng katahimikan ang married life ko kung patuloy akong inuusig ng aking konsensya.”

“Imposible kasi ang sinasabi mo, Red. Kilala namin ang babaeng ‘regalo’ namin sa ‘yo that night. B-baka nagkakamali ka lang ng iyong akala, pare. Alam naming iyon ang unang experience mo sa s*x,” protesta ni Mark na ilang beses ring naka-table ang babaeng nasa isip nito na siyang laman ng kahon.

“I admit, it was