Kabanata 2.1

Napilitan naman si Roselle na pumunta sa office ng Presidente nila. Kumatok na muna siya bago pumasok pero nagulat na lang siya nang marinig niya ang sigaw ni Darius.

“Is this your first time to work here?! Confidential files yun, bakit hindi mo magawa ng tama ang trabaho mo?!” galit na sigaw ni Darius. Napapalunok naman si Roselle dahil sa matinding galit ni Darius.

“I’m sorry sir, hindi ko na uulitin. Gagawin ko na ng tama ang trabaho ko. I’m really sorry.” Umiiyak nang saad ng babae saka ito lumuhod.

“Bullshit!” sigaw ni Darius saka nito inihagis sa sahig ang mga papeles. “Sisiguraduhin kong hindi na talaga ‘to mangyayari dahil ito na ang huling araw mong magtatrabaho dito.”

“No, sir, please, I’m begging you.” Pagmamakaawa ng babae.

“Leave! I don’t want to see your face here anymore!” galit na sigaw ni Darius sa secretary niya. Umiiyak naman ang babae saka ito nagmamadaling lumabas. Napalunok si Roselle. Pakiramdam niya ay napako na siya sa kinatatayuan niya. Mahigpit niyang hinawakan ang papeles na hawak-hawak niya.

“You!” baling ni Darius kay Roselle. Muling napalunok si Roselle saka lakas loob na sinalubong ang mga mata ni Darius.

“S-Sir,” sagot ni Roselle.

“Ikaw ang magiging secretary ko at kapag hindi mo rin nagawa ang ng tama ang trabaho mo. Sisiguraduhin kong wala ng kahit anong kompanya ang tatanggap sayo.” Maawtoridad na sambit ni Darius. Muling napalunok si Roselle. Maghahatid lang siya ng mga papeles pero bakit bigla siyang naging secretary ng boss nila?

“Pero sir, may trabaho ako sa—”

“I don’t care! Be my secretary and I will double your salary.” Wika ni Darius. Napapakunot ng noo si Roselle. Hindi niya makakalimutan ang mukha ni Darius kahit limang taon na ang nakalipas pero tila ba hindi siya nakikilala ni Darius. Nakahinga siya ng maluwag kung hindi nga siya naaalala nito pero ayaw pa rin niyang makampante.

Bumalik na si Roselle sa marketing department kung saan siya nagtatrabaho. Napapakamot na lang siya sa ulo niya.

“Naihatid mo ba? Anong sinabi sayo ni Sir?” tanong ni Mrs. Capinpin.

“He wants me as his secretary.” Walang ganang sagot ni Roselle saka siya muling nagpakawala ng malalim na buntong hininga.

“What? How about his secretary?”

“Hindi ko alam ma’am kung anong nangyari. Pagdating ko sa office niya nagagalit na siya sa secretary niya at inalis niya ito kaagad sa trabaho. Ako naman ang gusto niyang pumalit bilang secretary niya.” paliwanag niya. Napangiti naman si Mrs. Capinpin.

“This is a great opportunity for you dahil malaki ang sahod ng mga secretary ni sir Darius. Kung kukunin mo na ang mga gamit mo, kunin mo na at bumalik ka kaagad sa kaniya dahil baka magalit din siya sayo. Ito lang ang tatandaan mo palagi, Roselle. Sundin mo ang lahat ng utos niya, gawin mo ng tama ang mga trabaho mo at siguradong magtatagal ka sa trabaho mo bilang secretary niya.” napatango na lang si Roselle dahil wala naman siyang magagawa.

Napilitan siyang lumipat nang working station. Kailangan niyang magstay sa labas ng pintuan ng boss niya para mabilis lang siyang makakarating kung kailangan siya nito.

Mas malawak na ang working station niya kumpara sa marketing department. Napapatango na lang siya dahil mukhang okay naman ang trabaho niya. Ang ikinakatakot niya lang, mas mapapalapit siya kay Darius. Paano kung bigla siyang maalala nito?

Natatakot siyang baka alisin siya sa trabaho niya kapag naalala ni Darius ang nangyari sa kanila five years ago. Natatakot din siyang malaman ni Darius na nagbunga ang isang gabing pagsasama nila. Paano kung kunin sa kaniya ang anak niya? Siguradong wala siyang laban kay Darius Montemayor.

“Miss! Are you listening to me?!” gulat na napatingin si Roselle sa harap niya. Mabilis siyang napatayo ng makita niya ang boss niya na galit na galit na nakatingin sa kaniya.

“Sir, I’m sorry. What is it again?” nahihiya niyang tanong.

“Kung hindi ka nakikinig sa akin ngayon pa lang, paano mo magagawa ng tama ang mga trabaho mo in the future? Gusto mo bang tanggalin din kita sa trabaho mo?!”

“No, sir, please. I need this job.” Pakiusap ni Roselle. Galit namang ibinaba ni Darius sa counter ang mga papeles na hawak niya.

“Yan ang contract mo as my secretary. Read it carefully before signing it. Sabihin mo lang sa akin kung ayaw mo ng trabahong ito at malaya kang makakaalis ng kompanya ko.” May diing saad ni Darius. Napapalunok na lang si Roselle saka siya tumango.

“Yes sir,” sagot niya. Tumalikod naman na si Darius at bumalik na sa office niya. Isang malalim na buntong hininga ang pinakawalan ni Roselle. Tiningnan niya ang contract. Pirmahan niya man ito o hindi, wala pa rin siyang magagawa. Wala siyang choice kundi ang tanggapin ang trabaho niya bilang secretary.

Napangiti siya ng makita ang malaking sahod pero nangingibabaw pa rin ang takot sa puso niya. Napatingin si Roselle sa pintuan ng boss niya.

“Sana lang ay hindi mo na ako makilala, sana lang ay hindi mo na maalala ang nangyari years ago.” Usal niya sa sarili niya. Naupo na si Roselle saka pinirmahan ang kontrata. Habang wala siyang ginagawa ay binasa niya ang nilalaman ng contract. Nanlaki na lang ang mga mata niya ng makita niyang kailangan niyang magtrabaho sa gabi oras na tinawagan siya ng boss niya.

Napapaawang na lang ang mga labi ni Roselle.

“Kaya pala malaki ang sahod dahil kailangan ko pang magtrabaho sa gabi. Paano kung tulog na ako tapos bigla siyang tumawag? Kainis naman ‘to.” Mahina niyang usal saka niya inis na tiningnan ang pintuan ng boss niya.

Hindi na siya nagtataka kung bakit malaki ang iniwan ni Darius na pera sa kaniya noon dahil mayaman pala talaga ito. Natanggap niya ang 50 million sa personal bank niya. Iba pa ang atm card na ibinigay ni Darius sa kaniya na nagmamalaman ng 500 million.

Napakalaking tulong nun dahil napag-aral niya ang sarili niya at ang kapatid niya. Naibigay niya rin ang kailangan ng anak niya. Hindi niya kailangang magtrabaho para suportahan ang pag-aaral nilang magkapatid at mabili ang kailangan ng anak niya.

Magla-lunch na sana si Roselle nang biglang lumabas ng office ang boss niya.

“Saan ka pupunta?” seryosong tanong nito.

“Maglalunch sir,” sagot ni Roselle.

“Sasama ka sa akin ngayon. May meeting akong kailangan kong puntahan. Follow me,” napaawang na lang ang mga labi ni Roselle. Wala man lang ba siyang lunch break? Inis na nakagat ni Roselle ang pang-ibaba niyang labi saka niya kinuha ang bag niya at sumunod sa boss niya.

Pagdating nila sa labas ay sumakay na si Darius sa backseat. Hindi naman alam ni Roselle kung saan siya sasakay. Binuksan na ni Roselle ang backseat at akma na sanang sasakay nang tingnan siya ni Darius.

“What do you think you’re doing? Gusto mong tumabi sa akin? Dun ka sa harap!” mabilis na isinarado ni Roselle ang pintuan saka siya lumipat sa passenger seat. Pakiramdam niya ay magkakaroon siya ng panic attack kapag ang boss niya ang kausap at kaharap niya.