CHAPTER 12

MALAKAS ko siyang itinulak nang magising ako sa katotohanan. Nanlalaki ang aking matang napatitig sa lalaking napahiga sa carpeted floor at muntik ng maumpog ang ulo sa babasaging center table kung hindi lang niya ginamit ang kanyang mga kamay upang itukod. Bahagyang gumapang ang kaba sa aking dibdib ng isang dangkal na lang ang layo ng kanyang ulo sa center table.

At dahil wala namang disgrasyang nangyari, itinuloy ko ang panlilisik ng mata sa kanya. Nahigit ko ang aking paghinga dahil napigil ko iyon kanina nang halikan niya ako.

Oo! Hinalikan niya ako! Naglapat ang mga labi namin! Mga labing hindi naman dapat na maglapat pero dahil sa tarantadong lalaking ito ay nangyari!

"Hayop ka!" Iyon na lamang ang lumabas sa aking mga labi sa dami ng mga salitang gusto kong isumbat sa kanya. "Wala akong pakialam sa pesteng terms and conditions mo na iyan! Ibalik mo sa akin ang anak ko at magiging maayos tayo!" Mabilis akong tumayo at iniwanan siya upang magtungo sa mahabang hagdan.

Hindi ma