UMAWANG ang aking labi sa pagkamangha sa laki ng bahay ng Tiya Liza... Nasa labas pa lang kami ng gate ay kitang-kita na sa labas kung gaano kaganda ang kanilang bahay. Pero nang makapasok ako ay hindi ko mapigilang pumalibot ang tingin sa labis na pagkamangha. Balang araw ay mapagagawan ko rin ang Nanay at Tatay ng ganitong kagandang bahay. Iyong hindi na nila kailangang magtrabahon at ang tanging iintindihin na lamang nila ay ang kanilang mga sarili. Balang araw, magagawa ko rin iyan. Sa ngayon ay mag-aaral muna ako. "Huwag kang kukupad-kupad, Sandra! Bilisan mo!" Bumalik ang katawang lupa ko sa reyalidad nang bulyawan ako ni Tifanny. Hila-hila ko pa rin ang kanyang mga maleta at gamit kahit pa sinabi ng kanilang driver na ito na raw ang magdadala ng mga ito papasok ngunit pinigilan siya ito ni Tifanny dahil kaya ko naman na raw. Ay, talaga ba? Kaya ko ang mga 'yo eh halos matae na nga ako sa kakahila sa mga bagahe niyang parang may lamang hollow blocks sa sobrang bigat! "Opo, h
"PAGKATAPOS mong mag-enroll ay umuwi ka kaagad, ha?" Ani Tiya Liza nang magpaalam akong pupunta ng eskwelahan para mag-enroll. "Hindi na kita sasamahan, ipahahatid na lang kita sa driver at may gagawin kami ni Tifanny. Ito ang enrollment fee mo, ingatan mo ha?"Nakangiti kong tinanggap ang inabot ni Tiya. "Salamat po, Tiya. Ingat po kayo ni Miss Tifanny." Tanging tango lang ang isinagot niya. Nakakakaba pero kakayanin ko 'to. Malaki na ako kaya dapat ay kaya ko na ang mga bagay-bagay. Sinasabi ko iyon sa aking sarili pero ang totoo ay naiiyak na ako. "Ayos lang po ba kayo, Ma'am?" Tanong ni ng family driver nilang si Manong Dante. "Opo, ayos lang ako. Medyo kinakabahan po kasi ako." Pagsasabi ko ng totoo. "First time ko po kasing pumunta ng eskwelahan mag-isa," napalabi pa ako at bahagyang nag-init ang mukha. Tumawa si Manong Dante. "Naku, ayos lang iyan! Iyong isa ko ngang anak noong unang araw niya sa kolehiyo ay umiyak kasi gusto niya kami kasama ng Mama niya at natatakot nga
"MAGANDANG umaga po, Tiya!" Magiliw kong bati sa Tiyahin kong pababa ng hagdan, suot-suot pa nito ang mahabang bestidang pantulog habang humihikab. Alas kwatro y media pa lang ng umaga ay nasabihan na ako ni Ate Irine na madalas daw na nagigising ng ganitong oras si Tiya kaya naman mas maaga akong gumising. Maaga naman na akong nagigising nitong mga nakaraang araw pero mas maaga ako ngayon dahil nga unang araw sa klase. Excited ako."Oh, gising ka na, Sandra?" Bahagya pang nanlaki ang kanyang mata. "Opo, Tiya. Unang araw na po kasi ng pasukan ngayon kaya maaga po ako," sambit ko. "Gusto ninyo po ng kape? Ipagtitimpla ko po kayo!" "Naku, halata ngang excited kang pumasok, huh..." Natatawang ani Tiya. "Gusto ko iyang ganyan ka, maganda kapag maaga kang nagigising at paminsan-minsa'y tutulong sa gawaing bahay." "Opo, walang problema, Tiya. Maaga po talaga akong nagigising!" Sanay na ako sa probinsyang nagigising ng madaling araw dahil bukod sa tilaok ng mga manok ay ang bunganga ri
TATLONG oras ang makalipas bago ako tuluyang natapos sa pinapagawa ni Tifanny sa akin. Hindi naman iyon ganoon karami pero sa tuwing sumisilip siya at nakikitang malapit na akong matapos ay papasok saka guguluhin lahat.Mariin na lamang akong napapapikit sa kawalang magagawa. Gustuhin ko mang magalit at maglabas ng sama ng loob sa kanya pero alam kong wala naman akong karapatan at nasisiguro akong mas malupit pa ang gagawin niya sa akin. "Oh, you're done?" Nanunuyang tanong ni Tifanny nang Tifanny nang matapos ako sa mga damitan niya, ganoon din pati ang kanyang sahig na ilang beses kong minop. Isinarado ko ng maayos ang kanyang kabinet bago siya hinarap. "Opo, Miss... Pwede na po ba akong umalis?" Magalang kong sinabi. Naningkit ang kanyang mga mata at ipinalibot ang tingin sa kabuoan ng kanyang kwarto, nakalapat pa ang kanyang hintuturo sa kanyang baba na animong nag-iisip ng malalim.Diyos ko... Sana ay huwag na siyang mag-isip pa ng sunod na ipagagawa sa akin dahil marami pa ako
TAHIMIK ako sa buong byahe pa-eskwelahan. Abala ang isipan ko sa kaiisip sa mga katagang sinabi ni ate Irine. Maaari ko naman sana iyong huwag ng pansinin dahil baka pinagtitripan lamang ako ngunit sa nakita kong takot sa kanyang mga mata at sa panginginig ng kanyang kamay ay natitiyak kong hindi lamang ito isang biro. Bakit naman magbibiro ng ganoon si ate Irine? Hindi naman magandang biro iyon gayong ang nakatira sa bahay na iyon ang tinutukoy niya. Mas mabuting sundin na nga lang ang sinabi niyang dobleng pag-iingat...Nang makarating ako sa aming classroom ay may iilan ng tao roon, lumingon-lingon ako upang hanapin si Danice ngunit nang mapansing wala pa siya ay naupo na lamang ako sa kinauupuan namin kaninang umaga. "You're really an early bird, Cassandra!" Anang boses sa aking likod sabay sundot sa aking braso. Napalingon ako roon at gumuhit ang ngiti sa labi nang makitang si Danice iyon. May hawak siyang plastic cups sa kanyang isang kamay na may logo ng isang kilalang coff
"WOAH! Jollibee chicken is the best! Kahit yata aaraw-arawin ko ito ay hindi ako magsasawa!" Saad ko na may pagpikit pa ng mga mata habang ninanamnam ang lasa ng manok."Same here! Hinding-hindi ako magsasawang kumain rito!" Malawak ang ngiting sinabi ni Danice. "Dadalhin ko si Albert dito! I'm sure he'll love what I love!" Umismid ako sa sinabi niya at sandaling tumigil sa pagnguya. Did I just heard her mentioned a name of a man? Albert... Nanlalaki ang mata kong napatingin sa kanya na kalaunan ay ganoon din siya nang para bang may napagtanto. Tuluyan ko ng ibinaba ang manok sa aking plato at saka pinanliitan ng mata ang kaibigan. "Oh my gosh! Goodness! Sorry, sorry, sorry! I forgot to tell you!" Natataranta niyang sinabi sa akin, nagpalingon-lingon pa siya sa palagid at tinakpan ang kanyang bibig. "Oh my god! Sorry, Sandra-dear... I got carried away! It slipped out of my mind! Promise, hindi ko intensyong hindi sabihin sa'yo, but I always tell him about you naman so maybe... I am
TRIGGER WARNING: RAPE*****"BITAWAN mo ako, hayop ka!" Marahas akong nagpumiglas sa marahas niyang pagkakahawak sa akin. "Tulong! Tulungan ninyo ako! Ate Irine, tulong!" Pagsisisigaw ko kahit na mas malabo pa sa tubig baha na marinig ako dahil sa sobrang lakas ng pagdagungdong ng tugtog sa buong bahay. "Stupid woman! Kahit ano pang sigaw mo, no one will ever hear you! No one!" Malakas niyang sigaw sabay angat ng kanyang kamay at malakas akong sinampal dahilan upang bumagsak ako sa sahig. "Matagal na akong nagtitimpi sa'yo, malandi ka! You're so hard to get na parang hindi ka isang bayarang babae!" Nagtatagis ng kanyang mga bagang at nanlilisik ang mga matang nakadungaw sa akin. Hindi alintana ang hapdi sa aking pisngi, sinikap ko ang sariling gumapang palayo sa halimaw na ito. Kailangan kong makalayo sa kanya, kailangan kong makaalis sa lugar na ito! Mala-halimaw siyang nagpakawala ng halakhak nang makita ang ginagawa ko. "What?! You're trying to escape?! Do you think you can? Dre
"WHAT the hell, happened to you?!" Danice blurted out in horror as she scans my whole being.Nasa labas ako ng apartment niya. Ilang minuto nang makarating ako rito ay saka ko pa lamang siya tinext. Ang akala ko ay wala siya rito ngayon kaya naisip ko ng maupo muna sa labas ng apartment niya at maghintay hanggang sa makarating siya. "A-ano..." Nilunok ko ang bikig sa aking lalamunan nang maalala na naman ang sinapit ko. Gustuhin ko mang ngumawa at isumbong sa kanya ang lahat, ayaw ko na siyang gambalain pa. Pinaglaruan ko ang aking mga daliri at kinagat ang pang-ibabang labi. "L-Lumayas na ako kila Tiya, eh... Pwede bang dito na muna ako? Pangako, makikihati ako sa lahat ng bayad! Hindi rin ako burara! Marunong akong maglinis, maglaba, pati sa research mo kung gusto mo ay gagawin ko libre na—" "Wait, wait, wait! Hold up, Cassandra!" Kunot noo niyang sinabi at itinapat ang kanyang palad sa aking mukha. "You're talking too much. There's something wrong with you!" Aniya. Nag-iwas ako