Chapter 1

NAGISING si Gwen ng makaramdam nanaman siya ng lamig sa kaniyang dibdib kung kaya hinila niya ang kumot ngunit mayroong pumipigil doon. Dahil lamig na lamig na tinignan niya ang dahilan kung bakit hindi niya mahila ang kumot.

Nakita niya ang kamay na nakaakap sa kaniyang bewang dahilan para mapigilan nito ang paghila niya ng kumot pataas. Isa pang bagay na napansin niya ay ang dibdib na walang saplot at punong puno ng kiss mark!

Tila binuhusan si Gwen nang malamig na tubig at lalong nanlamig ang kaniyang katawan mula sa lamig ng aircon. Hindi niya magawang maalala kung paanong nangyari na magkasama silang dalawa nito.

Hindi nga niya magawang tignan sa muka ang lalaki dahil sa kahihiyan.

Napatakip siya ng kaniyang muka at kaagad na nag isip ng paraan kung paano makakaalis doon. Kinalma niya ang sarili at tinignan ang kamay ng lalaki. Kung hahawakan niya ito at aalisin sa kaniyang bewang malamang na magigising ito.

Pag nagising ito siguradong maaabutan siya nito at magalit sa kaniya. Isa pa naaamoy niya ‘rin ang alak sa hininga nito kaya siguradong pareho silang walang maaalala sa gabing nangyari.

Napasya siyang hawakan iyon at alisin ng dahan dahan. Sobrang bilis ng tibok ng kaniyang puso at unti unti ng inilapit ang knaiyang kamay sa kamay ng lalaki. Pero bago pa niya ito tuluyang mahawakan ay kusang aalis ito at humarap sa kabilang parte ang lalaki.

Nanlaki ang mata niya at napadasal nalamang ng pasasalamat dahil sa nangyari.

Hindi na siya nagdalawang isip na mag bihis matapos iyon. Hindi pa nga niya mahanap ang kaniyang under wear.

“Nasaan ka na ba?!” inis na bulong niya at biglang gumalaw ang lalaki at bumalik sa kinalalagyan nito kanina.

Napahinto si Gwen nito at kitang kita niya na kinakapa ng lalaki ang kinalalagyan niya at tila hinahanap siya nito. Dahil doon ay nagmadali siyang lumapit doon at inilagay sa tabi ng lalaki ang unan niya kanina.

Nakahinga siya ng maluwag ng yakapin nito ang unan at italakbong sa muka ng lalaki. Hindi na niya ito pinansin at hindi na ‘rin hinanap ang kaniyang panty at deretsyo ng sinuot ang kaniyang pants.

Nagmamadali na siya dahil baka mahuli nanaman siya nito.

Nang matapos ay dali dali na siyang umalis habang nakatalukbong sa kaniyang ulo ang dalang balabal. Ang balabal na iyon ay sa ina nila na palagi niyang itinatabi sa kapatid nung buhay pa ito.

Pero dahil wala na ang kapatid siya na ang gumamit. Ipinilig niya ang ulo dahil naaalala nanaman niya ang nawalang kapatid at nagmadali sa paglabas. Pero sa pagmamadaling iyon ay mayroon siyang nakabangga.

“S-sorry!” agad na sabi niya at yumuko dito ng bahagya at tumakbo palabas.

Ang nakabunggo naman ni Gwen, walang iba kundi si Nikko. Napakunot ang noo nito ng makita ang babaeng balot na balot na tila mayroong tinataguan at tinatakbuhan sa bilis nitong nawala sa harapan niya.

“’Wag mo ng pansinin, masanay ka na umaga ngayon at nasa bar tayo.” Sabi ni Andrew dito na ikinatango ni Nikko.

Ang ibig sabihin ni Andrew, malamang na mayroong nakasama ang babae at ayaw niyang mahuli. Natawa ng mahina si Nikko at napailing sa naisip na dahilan na iyon.

“Anong room number ulit?” tanong ni Andrew dito.

“Room 05 ‘yun,”

Tumango si Andre at huminto sa tapat ng room 05 at binuksan iyon pero hindi ito bumubukas.

“Bakit ayaw?”

“Ako nga,”

Ibinigay ni Andrew ang card kay Nikko at ito ang nagbukas ngunit katulad ng kaibigan ay hindi iyon nagbubukas.

“What happened? Gumana ‘to kagabi ah?” takang tanong ni Nikko.

Nang mga oras na iyon kagigising lang ni Elijah at napabangon dahil sa sakit ng ulo. Napahawak pa siya sa kaniyang ulo dahil sa sakit niyon, kasabay ng pagbalik ng ala ala niya kagabi kaya natigilan siya.

Dali dali siyang napatingin sa kaniyang tabi ngunit wala na doon ang babaeng nakasama. Hindi siya pwedeng magkamali at tama ang naalala niya kagabi, mayroon siyang kasamang babae!

Hinawi niya ang kumot na naroroon at nakita niya ang marka ng dugo tanda na siya ang nakauna dito.

Tama siya, mayroon nga siyang kasama kagabi. Pero ang tanong nasaan na ito?

Bumaba siya doon at hinanap ang babae kahit wala pa siyang suot na damit. Ngunit hindi niya ito nakita sa kahit na anong silid doon kahit sa banyo ay wala ‘din.

Dahil doon sinuot niya ang kaniyang mga damit na nagkalat sa sahig para lumabas at hanapin ito. Habang pinupulot ang mga damit mayroon nalaglag mula doon na isang under wear.

Sigurado siya na underwear ito ng babae na nakasama niya.

Napangisi siya dahil doon at ibinulsa ito pagkatapos naglakad na palabas ng silid na iyon. Hindi na niya pinansin ang sakit ng kaniyang ulo dahil mas mahalaga sa kaniya na mahanap ang babaeng nakasama kagabi.

Sa labas naman kung saan nagtataka si Nikko at Andrew kung bakit hindi mabuksan ang pintuan, nakita ni Nikko ang number ng room sa likod ng Card key.

“Teka bakit room 04 ito? Tanda kong sinabi saakin na room 05 ‘yun.”

Ipinakita niya sa kaibigan ang sinasabi nitong room number at maging si Andrew ay lalong nagtaka.

“Kung ganon room 04 ang nabuksan natin kagabi?”

Nagkatinginan ang dalawa dahil sa sinabing iyon Andrew at sakto na bumukas ang nasa tabi nilang pintuan. Ang room 04. Nakita nila doon si Elijah at nagkagulatan pa silang tatlo.

“Elijah!” sabay na sabi ng dalawa sa kaniya.

Si Elijah naman ay hindi pinansin ang dalawa at umalis doon. Walang nagawa ang dalawang magkaibigan kundi sundan si Elijah.

“Huy! San ka pupunta?! Nagkamali pala kami ng room na pasok sa’yo, dapat sa room 05 ka e.”

Napahinto si Elijah sa paglalakad ng marinig ang sinabing iyon ni Nikko. Lumingon ito sa dalawa na ikinaatras nila dahil tila bad trip ito.

“So hindi niyo iniwan ang babae sa tinulugan ko?”

Nanlaki ang mata ng dalawang lalaki at nataranta.

“B-babae?! May babae sa tinulugan mo?!”

“Yes. At may nangyari between us.”

“May nangyari?!” sabay na sabi ng dalawa na ikinatakip ni Elijah sa isa niyang tenga dahil sa lakas ng pagkakasabi ng mga ito.

“Can you please lower your voice? Ang sakit sa tenga, masakit pa ulo ko tapos nawawala pa ‘yung babae baka masuntok ko kayo.”

Napakurap ang dalawa at tumango sa sinabi ni Elijah. Takot lang nitong suntukin ng kaibigan, parang bakal pa naman ang kamao nito.

“Pero hindi nga? Buti hindi ka kinasuhan nung babae?” tanong ni Nikko sa kaniya.

“Nawawala na nga e. Malamang umalis. Tulungan niyo akong hanapin siya.”

“Kung room 04 siya at nagkamali ka ng tuloy malamang may record sila dito sa babae.”

Napatango si Elijah sa sinabi ni Andrew at agad na naglakad upang magtanong sa records ng bar. Sumunod naman ang dalawang kaibigan sa kaniya habang si Andrew naman napangisi dahil sa kaniyang naisip.

“Bakit mo hinahanap ‘yung babae? Na love at first sight ka ano?”

Napantig naman ang tenga ni Nikko dahil sa sinabi ng kaibigan at agad na gumatong sa sinabi nito.

“Anong love at first sight? Baka kamo love at first s*x!”

Dahil doon nag apir pa ang dalawa at tumawa. Hindi naman iyon pinansin ni Elijah at hinayaan lang mang asar ang dalawa. Nang makarating sila sa information desk kaagad siyang nagtanong dito.

NATAKOT pa ang lalaki na naroroon dahil mukang nakilala siya nito. Hindi masisisi ni Elijah ang lalaki dahil kilala siya ng marami bilang ‘demon lord’ iyon ang bansag sa kaniya publicly lalo na simula ng mawala ang magulang niya mas naging mahigpit siya at nakakatakot.

“S-sir wala pong records na mayroong tumuloy sa room 04,”

“What? Impossible! Kasama ko siya kagabi dahil room 05 dapat ako.”

Mas lalong natakot ang lalaki dahil sa pagtaas niya ng boses. Agad naman na hinawakan ni Andrew ang balikat niya lalo na hindi nanaman nito nakokontrol ang kaniyang galit.

Napabuntong hininga si Elijah dahil doon at kinalma ang sarili. “May I see?” tanong niya sa lalaki na ikinatango naman nito.

Pumasok siya sa loob ng counter at tinignan iyon. Kung hindi si Elijah ang nagsabi na pwedeng makita hindi siya papayag. Pero dahil kilalang negosyante ang babae kung kaya pumayag ito.

Nakita ni Elijah na wala ngang records doon.

“CCTV, siguradong makikita ‘yun doon.”

Napatango si Elijah sa sinabi ni Andrew at napatingin sa lalaking kasama.

“S-sasamahan ko po kayo sa CCTV section,” at dali daling naglakad ang lalaki kung kaya sumundo naman sila dito.

Maging ang guard na nagbabantay sa CCTV room nagulat ng makita sila.

“G-good morning mga sir!”

“I want to see the footage on your suite last night.” Seryosong sabi ni Elijah dito.

“Naku sir, sira po ang CCTV sa may suite area kahapon ng hapon. Paparating palang po ang new CCTV na ipapalit doon after lunch.”

“What?!”