Chapter 58

Ysla

“Nagtataka ako, bakit laging wala si Damien?” sambit ko habang kumakain kami ng lunch ni Nathan sa kanyang opisina. Hindi ko na naiwasang magtanong dahil bihira ko na talaga siyang makita.

Pasubo na si Nathan ng ulam nang bigla siyang napatigil. Dahan-dahan niyang ibinaba ang kutsara, saka ako tiningnan ng diretso.

“He’s looking for something,” sagot niya sa maikling paraan, na para bang may tinatago.

Napakunot noo ako. “What something?” tanong ko agad. Natural, mas lalo akong na-curious. Hindi ba niya alam na ang mga ganitong bitin na tugon ay lalong nakakakiliti ng isipan?

“About your uncle's company,” dagdag niya, ngayon ay mas seryoso na ang tono.

Napataas ang kilay ko. “What about it?”

“Yung father ng friend ko, sumubok dati na mag-invest sa Cheatime. Pero hindi natuloy ang usapan.”

Napahinto ako sa pagkain at tuluyan nang ibinaba ang hawak kong kutsara. Kumunot ang noo ko habang sumandal sa upuan. “Why? Anong nangyari?”

Tahimik siyang tumingin sa akin, saglit bago sumagot.