Kabanata 5

HINDI parin nawawala sa aking isipan ang sinasabi ni Aling Belen. Narito ako ngayon sa kwarto ni Sir Cassian kung saan busy sa paglilinis. Hindi naman mahirap linisin dahil konting alikabok lang meron at mas mabilis akong natapos.

Hindi ko nga namalayan ang oras. Kung hindi pa ako kinatok ni Yshie ay malamang hindi ko malalaman na oras na pala ng pananghalian.

"Masyado kang seryoso ate."

"Oo naman para walang ika-pintas sa atin si Sir Cassian."

"Tumulong ako kay Aling Belen sa kusina. No'ng una ayaw niya pero dahil makulit ako kaya wala siyang nagawa," nakangiting sabi sa akin ng kapatid.

"Dapat lang, hindi pwedeng wala kang gagawin. Kung sa tingin mo'y may dapat kang tulungan, aba, dapat lang na gumawa ka rin. Kung tamad ka ay huwag kang kakain," sabi ko pa.

Mula sa silid ni Sir Cassian ay lumabas na kami ni Yshie. Dumiretso na kami sa kusina kung nasaan ang lahat na kasalukuyang naghihintay sa aming magkapatid.

"Sa wakas at narito na ang dalawa. Halina at tayo'y kakain na," nakangiting sabi ni Aling Belen.

Dumulog kaagad kami ni Yshie sa hapag saka maganang kumain. Napuno ng kwentuhan, tuksuhan, at tawanan ang naturang mesa.

"May balita nga pala ako. Hindi naman lingid sa atin na every month pumupunta rito si Sir Cassian siyempre para makapag-relax at kapag pressure sa siyudad ng Makati. Sana handa na ang lahat. At ang sabi ay dito raw mag-celebrate ng birthday niya si Mrs. Alcantara."

Napansin kong excited ang lahat maliban sa akin. Kinakabahan ako sa muli naming pagkikita ni Mr. Cassian Alcantara. Paano kung biglang magbago ang isip niya at paalisin kaming magkapatid?

"Hija, nakausap ko na ang principal kong kaibigan at pwede mo na raw i-enrol ang kapatid mong si Yshie."

"Talaga po?!" Halos sabay na bulalas namin ni Yshie sa narinig mula kay Aling Belen. Walang mapagsidlan ang saya sa aking puso.

"Yeheey! Ate sa wakas makapag-aaral ulit ako," sabi ng aking kapatid na tulad ko ay naiyak na rin. Naging emosyonal tuloy kaming dalawa.

Tinapik ni Aling Belen ang aking balikat. "Salamat ng marami sa inyo, Aling Belen," sabi ko.

"Walang anuman, hija."

"Hayaan mo Yshie at marami akong mga notebook at papel pati ballpen t'saka bags. Bibigyan kita, bigay sa amin iyon ng mga Alcantara. May dati akong uniform na sigurado akong kakasya sa'yo," nakangiting sabi naman ni Patty.

"Salamat, Patty," naluluhang sabi ng aking kapatid.

"Sa tingin ko magka-size tayo ng paa pwede mo ring gamitin iyong school shoes ko, Yshie. Hindi ba inay marami akong shoes na hindi ko pa nasusuot?"

"Ikaw ang bahala, anak."

Mas lalo tuloy kaming emosyonal ng kapatid ko. Sobrang saya sa aming mga puso na may mga taong katulad nina Aling Belen, Manong Danilo, Manang Teresita, Patty at Rowena.

Pero saglit lang ang kasiyahan na nadarama ko dahil sa balitang paparito raw sina Mr. Cassian. Ibig sabihin kasama ang ama niya na tinulungan ko na hanggang ngayon ay hindi pa alam kung sino talaga ang nagdala sa hospital kay Mr. Alcantara?

"Balita ko po inay kasalukuyang pinapahanap parin nina Mr. Alcantara ang babae raw po na tumulong sa kanya para dalhin siya sa hospital."

Nagulat kami pareho ni Yshie. Nagkatinginan kaming dalawa. "Ate, ang tinutukoy ba nila ay ang iyong may edad na lalaki na tinulungan mo ay iisa?" bulong na tanong ni Yshie sa akin.

"Oo, pero hindi na muna nila dapat malaman. Hahayaan na muna natin na makilala o maalala ako ni Mr. Alcantara," sagot ko sa aking kapatid.

"I—Ibig sabihin, siya ang Alcantara na nagmamay-ari rin ng rest house na ito?!" mahinang bulalas ni Yshie.

Hindi naman kami maririnig dahil busy ang mag-ina sa pag-uusap.

"Oo, kaya kinakabahan ako."

"Bakit naman? Hindi ba dapat masaya ka dahil kapag naalala ka niya ay baka bigyan ka niya ng pabuya sa pagligtas ng buhay niya. Utang niya sa'yo ang buhay niya ate."

"Yshie, ipapaalala ko lang sa'yo. Ang Dios ang may-ari ng buhay kaya hindi tama na sabihin mong utang ni Mr. Alcantara ang buhay niya sa akin," pagtatama ko sa aking kapatid.

Natigilan siya sa aking sinabi. "I'm sorry, ate."

Dahan-dahang tumango ako sa aking kapatid. Pagkatapos naming kumain lahat ay nagpresinta kaming magkapatid na kami na ang magligpit ng hapag-kainan at maghugas na rin. Mabuti na lamang at hindi na tumanggi pa si Aling Belen.

"Pagkatapos mo riyan, ineng Yshie pumunta ka sa kwarto nina Patty at Rowena para makapili ka ng maisusuot na school uniforms na fit sa'yo at ilang mga kagamitan mo sa pag-aaral," ani Aling Belen sa kapatid kong makulit.

Lihim akong napangiti habang naghuhugas ng pinggan. Ano kayang naghihintay sa amin ni Yshie sa lugar na ito ng Apayao?

"Sige na, pumunta ka na at ako na ang bahala rito," nakangiting sabi ko sa aking kapatid.

"Talaga, ate?"

"Yep, sige na."

Pansin kong tulad ko ay excited ang kapatid ko sa kanyang bagong paaralan at makikilala. Umaasa akong sana magkaron siya ng mga bagong kaibigan. Ang susunod ko na namang gawin ay ang mag-follow up sa ilang mga dokumento niya at pati na rin ng akin.

Umalis kami ng bahay na ni isa ay walang dala. Lahat ay iniwan namin. Dahil sa labis na takot at pangamba at baka balikan kami ng mga kasamahan ng mga taong nais kaming patayin.

"Bye, ate."

"Bye," sabi ko.

Pagkatapos ko ay bumalik na rin ako sa kwarto na lilinisin na siyang trabaho ko. Plano ko pagkatapos ng trabaho ay tutulong ako kay Aling Belen sa labas ng hardin para magwalis.

Umakyat ako sa hagdan saka pumasok sa loob ng kwarto ni Mr. Cassian saka inumpisahan na palitan ang ilang mga curtains. Nang mahagip ng aking mga mata ang ilang photo album.

Kumunot ang aking noo nang makita ito. Pinulot ko saka nakangiting binuksan. Tumambad sa aking mga mata ang larawan ng dalawang batang babae. Ngunit ang hindi ko inaasahan ay ang kwintas na suot ng magandang babae na kasalukuyang karga ang isang batang babae samantalang ang isang baby na batang babae ay nasa isang stroller nakahiga.

"Bakit parang magkapareho ito sa kwintas na suot namin ni Yshie? Ang pinagkaiba lang ay putol ang hugis pusong pendant na nasa amin dahil nasa akin ang isa samantalang nasa kay Yshie naman iyong isa," ani ko.

Saka ko naalala ang sinabi ni Aling Belen ang pagkakahawig namin ni Yshie kay Mrs. Alcantara.