Kabanata 4

Tinawagan ko kaagad ang adviser ng aking kapatid at pinaalam ang nangyaring hindi maganda sa bahay namin. Para may pruweba ay sinabihan ko itong pwedeng bisitahin ang aming maliit na kubo kung saan kami nakatira ng aking kapatid.

"Ikinalulungkot ko ang nangyari sa inyong magkapatid, Liora."

"Pasensiya na po talaga at kailangan naming umalis na Tuguegarao, Mrs. Francisco."

"Kung kaligtasan niyo naman ang dapat protektahan ay walang problema, pero possible na hihingin parin ng paaralan ang ilang dokumento tulad ng report card, birth certificate and form 137."

"Pwede naman siguro po i-send niyo sa akin through online, like photocopy lang po siguro," pakiusap ko pa.

"Alright, i-send ko sa'yo. Sabihin mo nalang sa paaralan na pag-transferan ni Yshie na due to safety reasons ay online copies muna ang maibibigay niyo. Ipa-follow-up nalang ang original documents."

Lumawak ang aking ngiti nang marinig ang sinabi ni Mrs. Francisco. Samantalang tutulungan naman ako ni Aling Belen na makapasok sa San Isidro Elementary School ang kapatid kong si Yshie. Ang akin lang ay ang hindi maputol ang pag-aaral ng aking kapatid. Solve na ang aking problema.

"Mag-kape ka na muna, hija."

"Naku, mahirap lang po kami pero hindi po ako umiinom ng kape, Aling Belen."

"Ano ba iniinom mo?"

"Gatas lang po," nakangiting sagot ko.

"Sigurado akong hindi ka umiinom ng alak, no? Kaya pala ang gaganda niyong magkapatid. May ibang lahi kayong taglay, e."

Yes, dahil ang sabi ng lola ay may dugong Spanish ang aking ama at may dugong Italyano naman ang aking ama.

"Ang totoo po, meron nga po. May lahing Spanish ang aking ina at Italyano naman ang aking ama," sagot ko.

Napatangu-tango si Aling Belen. "Tumawag ako kay Sir Cassian. Sinabi kong narito kayo ng kapatid mo at inaprubahan ang hiling ko na ikaw ang taga-linis sa kwarto niya rito."

"Mabait po ba siya, Aking Belen?"

"Sobrang bait, maawain at maaalahanin si Mr. Cassian. Kaya lang may ugali rin siyang strikto lalo na at hindi ka sumusunod sa rules."

Napatangu-tango ako. "Sino naman po iyong babae na palaging nakabuntot sa kanya?"

Dahil sa matinding kuryusidad kailangan kong alamin ang pangalan ng babaeng nagpaalis sa akin sa hospital. Na sa tingin ko'y siyang saksi na ako ang tumulong kay Mr. Cassian. Tinutukoy ko ang may edad na lalaking tinulungan ko.

"Si Tamara ang tinutukoy mo, hija."

So, Tamara pala ang pangalan ng kontrabida? Muli akong napatangu-tango sa sinabi ni Aling Belen.

"Mag-iingat ka ron dahil wala kaming tiwala sa babaeng iyon."

Nagulat ako sa aking narinig. Pero hindi parin sapat upang sabihin ko ang aking nalaman tungkol sa Tamara na iyon.

Naguguluhan ako sa totoo lang pero kailangan kong malaman kung bakit niya ako mabilis na pinaalis sa naturang hospital. Hindi ba dapat masaya siya at tinulungan ko ang may edad na si Mr. Cassian?

"Aling Belen, si Mr. Cassian po ba ay may mga magulang pa?" kunway tanong ko.

"Aba, oo naman. Si Mr. Camilo at Mrs. Alejandra Alcantara. Naku, kapag sila nakilala mo sigurado akong masasabi mong sobrang bait. Pero, alam mo hija, no'ng unang apak niyo pa lang rito, ha? Kayo ng kapatid mo? Akala talaga namin mga pamangkin kayo ng mga Alcantara. Aba't may resemblance kayo ni Mrs. Alcantara pati ang kapatid mong babae!"

Kumunot ang aking noo. Ano raw? Resemblance?

"Sandali, may larawan po ba kayo ni Mrs. Alcantara?" tanong ko.

"Hindi mo ba napansin ang living room? May malaking painting na talagang kamukhang-kamukha niyo si Mrs. Alcantara?" nakangiting sabi sa akin ni Aling Belen.

"Talaga po? P—Pwede ko po bang tingnan?"

"Aba, oo naman."

Kailangan kong alamin kung bakit may resemblance kami ni Yshie sa naturang Mrs. Alcantara. Siguro nagkataon lang. Hindi ba't nangyayari naman talaga iyon sa mundong ito?

Sinamahan ako ni Aling Belen sa living room. Ewan ko ba pero bakit sobrang bilis ng pagtibok ng aking puso?

"Tingnan mo!" bulalas ni Aling Belen.

Nanlaki ang aking mga mata sa nakita. "Oo nga po," sabi ko na halos bulong na lamang dahil sa hindi makapaniwala sa nakita.

Mas kamukha ng larawan ang kapatid kong si Yshie? Hindi ba kami related sa mga Alcantara? Bakit feeling ko parang may something?

Ipinilig ko ang sariling ulo sa tila imposibleng mangyari. Resulta lang siguro ito sa mga nangyayari sa amin ni Yshie. Lalo na at baka na-trauma lang sa nangyaring pagtatangka sa buhay naming magkapatid kahapon.

Tinitigan ko ang larawan na para bang tila buhay ang mga mata nitong nakatitig sa aking mukha. Mga matang tila ba may misteryosong nakapaloob.

"Mas kamukha niya po ang kapatid ko," sabi ko kay Aling Belen.

"Kaya nga, hija. Siguro nagkataon lang. Sa mundong kinaroroonan natin ay hindi malabong may ganito talagang pangyayari."

"Sabagay nga po," sabi ko na lamang.

Bumalik kami ni Aling Belen sa kusina. At nagpasyang magtimpla ng gatas habang si Aling Belen naman ay busy na sa pagluluto.

Eksaktong alas sais na ng umaga ay tumulong na ako kay Aling Belen sa pagluluto since tapos na akong uminom ng gatas.

"Hindi mo namna trabaho ito, hija."

"Pero mas gusto ko po kayong tulungan," sabi ko. "Hayaan niyo na lang po ako."

"Salamat, hija."

"Huwag niyo lang kalimutang ipasok ang kapatid kong si Yshie sa paaralan dito sa Luna."

"Hayaan mo at aalis tayo mamaya at sasamahan kita na makausap ang kaibigan kong principal ng San Isidro Elementary School."

Natuwa ako lalo nang marinig na kaibigan ni Aling Belen ang principal ng naturang paaralan. Malakas talaga ang chance na makapag-aral ulit ang kapatid kong si Yshie.

"Talaga po ba?"

"Oo nga, ikaw talagang bata ka."

"Maraming salamat po talaga sa tiwala at kagandahang-loob niyo, Aling Belen. Dios na po sana ang bahalang gumanti sa'yo," sabi ko mula sa aking puso.

"Ewan ko sa'yo, hija. Pati ugali ni Mrs. Alcantara ay nakuha mo. Alam mo bang hindi lang kami ang nakapansin kundi pati iyong mga guards natin dito sa rest house?"

"Na alin po?"

"Na kapatid kayo sa labas ni Mr. Cassian."

"Kayo talaga mahilig mambola, " sabi ko na lamang.

"Totoo ang sinasabi ko, hija. Si Mr. Cassian naman ay hindi mapagkamalang anak nina Mr. and Mrs. Alcantara. Mas mapapansin pa nga kayo ng kapatid mong si Yshie."