Chapter Forty One: She's Missing

DIOR's POV

Kasalukuyan akong naglalakad habang nililinga-linga ang aking ulo at paningin upang hanapin si Chanel. Nawala kasi siya sa paningin ko kanina noong nag sintas ako. Natanggal kasi ito at nang lingunin ko si Chanel, nawala na ito sa paningin ko. Kahit magkagalit kami ngayon as a couple, hindi mababago ang katotohanan ako ang bodyguard niya kaya binabantayan ko pa rin siya.

Imbes na pababa ng bundok ang lakad ko, papanik muli sa bundok ang ginagawa ko. Mabuti na lamang at hindi ko napapansin ng mga professors dahil sa ginagawa ko. Iniisa-isa ko rin ang mukha ng mga kaklase namin upang makita si Chanel ngunit nakarating na ako sa huling estudyante, pero hindi ko pa rin siya makita. 

Ako na lang mag-isa ang narito dahil medyo napalayo na sila sa akin dahil patuloy pa rin ang paglalakad nila pababa. Muli kong nilibot ang aking paningin ngunit wala akong nakita na kahit anong bakas ni Chanel.

<