CHAPTER FOUR

“Did we meet before?”

Muling tanong ng lalaki. Kinakabahang mabilis siyang umiling. Kung kahapon ay nasabihan niya si Josiah na hindi niya ito type, ayaw na niyang mas lalo pang sumama ang tingin nito sa kaniya.

“She is my new maid. Bago pa lang siya rito, Tyron. How come nakilala mo siya? Ngayon pa lang naman kayo nagkita,” may bahid ng pagtatakang saad ni Josiah.

“Baka naman kasi ex siya ni Tyron. Sa dami pa naman ng babae nito, hindi na imposibleng matandaan pa niya,” natatawang sabat ng isang lalaki.

“H-Hindi no! No boyfriend since birth ako. Wala pa akong naging boyfriend,” mabilis niyang depensa sa sarili.

Ngumisi ang lalaking kanina pa nakaupo sa tabi ni Josiah. “Okay, relax. I’m just joking. Masyado niyong sineseryoso ang sinabi ko.”

Kung hindi siya nagkakamali, ang dalawang lalaking ito ang mga kapatid ni Josiah. Ang nakatayo ay ang kambal nito habang ang lalaking nakaupo naman ang bunso nilang kapatid.

“Si Josiah naman kasi, galit kaagad,” natatawang saad ni Tyron La Guardia.

“Hindi ako galit. Nagtatanong lang ako nang maayos, Tyron. Anong masama sa sinabi ko? I’m her boss. I have the right to know her.”

Malakas na tumawa si Tyron. “Hindi ka pa galit sa lagay mong iyan? Kanina pa ganiyan ang mukha mo simula nang dumating kami.”

“H-Hindi ko po talaga kayo kilala. Ngayon ko lang din kayo nakita. Pasensya na po kung napatingin ako. Napadaan lang naman po ako rito.”

“Nakita ko lang siyang nakatingin dahil hindi siya pamilyar sa akin,” dagdag ni Tyron.

“Kailangan kasi ni Josiah ng bagong kasambahay dahil palagi mong inaagaw ang isa niyang maid.”

Iritadong nilingon ni Tyron ang isa pa nilang kapatid.“Shut up, asshole!”

“Pasensya na po kayo, mga sir. Ako na po ang bahala kay Axellyn. May gagawin pa kami sa kusina, ipinapatawag na ni Manang Vangie."

Para siyang nabunutan ng tinik nang marinig ang boses ni Leslie. Kaagad nitong hinawakan ang kamay niya.

“May gagawin pa kami sa kusina,” dagdag pa ng babae bago ngumiti sa tatlo. “Wala po ba kayong kailangan? Juice, kape, o tubig?”

"Ako na lang ang maghahatid kung may kailangan pa kayo."

“You can go,” malamig na saad ni Josiah.

Hindi na siya nag-aksaya pa ng oras. Kaagad siyang hinila ni Leslie palayo sa tatlong La Guardia. Pakiramdam niya, kapag mas tumagal pa siya roon ay lalo lang siyang maiilang.

"Iwasan mo na lang si Sir Josiah kung maari," payo ni Leslie.

Pero paano kung kahit anong gawin niya nandyan pa rin ito sa paligid niya.

Samantala sa kabilang banda nanatili pa ring nakakunot ang noo ni Josiah kahit nasa loob na silang tatlo ng opisina nito.

Lalo lang siyang naiirita dahil pinagtatawanan pa siya ng mga kapatid niya.

“Can you please fix your faces?” iritadong untag niya sa dalawa.

“Sa mukha kong ito, may aayusin pa ba, Josiah?” natatawang sagot ni Lucien.

Matalim niyang nilingon si Tyron.

“Bakit mo siya kilala? May kinalaman ba siya sa organisasyon?”

“Wait…” pagpigil ni Lucien. “Anong kinalaman ng bagong kasambahay mo sa organisasyon? Alam mo namang hindi basta-basta nagpapapasok ng tao ang La Costra. Hawak natin ang mga tauhan.”

“Hindi ko siya kilala para mapanatag ka,” sagot ni Tyron.

“You seem so fucking wasted, Josiah.”

“May iniisip lang ako,” masungit niyang sagot.

“As much as possible, ayokong may babaeng madamay sa organisasyon natin. Alam nyo kung anong mundo ang mayroon tayo," saad ni Lucien.

"Wala akong gusto kay Axellyn," malamig niyang sagot. "Hindi ko kailangan ng paalala mo sa akin dahil matagal ng sarado ang puso para magmahal."

Nagkatinginan ang dalawa niyang kapatid bago muling bumaling sa kaniya si Tyron.

“You seem pretty interested in your new maid, Josiah. Ngayon pa lang sinasabi ko na sa’yo… walang lugar ang pagmamahal sa pamilya natin," puna niya.

Hindi mawala sa isip niya ang tagpo nila ni Axellyn kahapon. Iyon ang unang beses na naramdaman niya na pangit siya.

"Hindi ako interesado sa kaniya. Dahil kung interesado ako sa kaniya kasamabahay ko siya ngayon hindi ni Josiah."

"Don't let women be your downfall like what our Father did..." Lucien remarked.

Natigilan siya. Tama. Hindi siya katulad ng kaniyang ama na masyadong nalunod sa pagmamahal. Hindi niya kayang maging ama sa aming tatlo.

Tama ito.

Sa pamilyang tulad nila, walang puwang ang pagmamahal.